მთავარი ეკონომიკური მოვლენები გიორგი აბაშიშვილის „ბიზნეს ინსაიდერის ბრიფინგიდან“

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

ბიზნეს ინსაიდერი: რუსეთის ცენტრალური ბანკი აღიარებს, რომ მას უჭირს უცხოური ვალუტის მიღების ვარიანტების პოვნა მას შემდეგ, რაც დასავლურმა ქვეყნებმა სანქციები დააწესეს. რუსეთის ოფიციალური პირების შეფასებით, დასავლურმა ეკონომიკურმა სანქციებმა გაყინა მისი $642–მილიარდიანი სავალუტო რეზერვების დაახლოებით ნახევარი, რის გამოც მას ძირითადად ჩინური იუანი და ოქრო დარჩა. რუსეთი ახლა იბრძვის გაყინული რეზერვებისთვის ალტერნატივის მოძიებისთვის. ელვირა ნაბიულინა – რუსეთის ცენტრალური ბანკის მმართველი: “ჩვენ უნდა ვიყუროთ მომავლისკენ, მაგრამ ამ მომენტში მე მიჭირს კონკრეტული დაპირებების გაცემა”, “ლიკვიდური სარეზერვო ვალუტების გამცემი ქვეყნების სია შეზღუდულია და სწორედ მათ მიიღეს მტრული ზომები და შეგვიზღუდეს წვდომა”. “პერიოდი, როდესაც ეკონომიკას შეუძლია რეზერვებით იცხოვროს, უსასრულო არაა და უკვე მეორე და მესამე კვარტალში ჩვენ შევალთ სტრუქტურული ტრანსფორმაციისა და ახალი ბიზნეს მოდელების ძიების პერიოდში”.

FT. აშშ-ის ხაზინის მდივნის მოადგილე არ ეთანხმება მოწოდებებს, რომ აშშ-ისა და მისი მოკავშირეების მიერ რუსეთის წინააღმდეგ გამოცხადებული ყოვლისმომცველი სანქციების პაკეტი საფრთხეს უქმნის საერთაშორისო ეკონომიკას და პირობა დადო, რომ საჭიროების შემთხვევაში შემდგომ საპასუხო ზომებს მიიღებს. „სანამ რუსეთის შემოჭრა გაგრძელდება, ჩვენი სანქციები გაგრძელდება“, – თქვა მან. „მიუხედავად იმისა, რომ ჩვენ ვაგრძელებთ რუსეთისა და მისი საკვანძო ფინანსური ინსტიტუტების წინააღმდეგ მკაცრი ფინანსური სანქციების განხორციელებას, ჩვენი მუშაობის შემდეგი ეტაპი იქნება რუსეთის სამხედრო მანქანის დაშლა, ნაწილ-ნაწილ, მათი სამხედრო–სამრეწველო კომპლექსისა და მისი მიწოდების ჯაჭვების შეფერხებით”.

FT: აშშ-ის ბუნებრივი აირის ფასი ბოლო 13 წლის უმაღლეს დონემდე გაიზარდა, რაც გამოწვეულია ამერიკულ ექსპორტზე აქტიური მოთხოვნით და ცივი ამინდის გახანგრძლივებული პროგნოზით.

UN DESA ბლოგი: მიუხედავად იმისა, რომ მსოფლიოს ზოგიერთი ნაწილი იწყებს ნელ-ნელა გაჯანსაღებას, ბევრი სხვა უფრო უკან იხევს. განვითარებად ქვეყნებს აქვთ COVID-19 ვაქცინის მხოლოდ 24 დოზა 100 ადამიანზე, განვითარებულ ქვეყნებში 148 დოზაა 100 ადამიანზე. 2023 წლის ბოლოსთვის, განვითარებადი ხუთიდან ერთ ქვეყანაში ეკონომიკის ზომა კვლავ იქნება პანდემიამდელი დონის ქვემოთ, განვითარებულ ქვეყნებთან შედარებით, რომლებიც პანდემიამდელი ზრდის გზაზე დაბრუნდებიან. უკრაინის ომმა შესაძლოა დამატებით 40 მილიონი ადამიანი გადაიყვანოს უკიდურეს სიღარიბეში, ბოლო ორი წლის განმავლობაში სიღარიბეში უკვე მცხოვრები 120 მილიონის გარდა. უკრაინის ომამდე განვითარებული ეკონომიკების 44% და განვითარებადი ქვეყნების 71% განიცდიდა ინფლაციის მაჩვენებლების 5%-ზე მეტ ზრდას. ახლა, ენერგიისა და სურსათის ფასების მატებასთან ერთად, ტრანსპორტირებისა და დაზღვევის ხარჯების გაზრდით, ინფლაცია უფრო მკვეთრად გაიზრდება, განსაკუთრებით განვითარებად ქვეყნებში, რომლებიც დიდად არიან დამოკიდებულნი საკვებისა და საწვავის იმპორტზე განსაკუთრებით უკრაინიდან და რუსეთიდან.

IMF ტვიტერზე: გლობალური კერძო ვალის ზრდა 2020 წელს მშპ-ს 13%-მდე იყო.

IMF ტვიტერზე: სახელმწიფო ვალის საშუალო თანაფარდობა მშპ-სთან, რომელიც არის ქვეყნის ფისკალური სიჯანსაღის მთავარი საზომი, რეკორდული 67 პროცენტია განვითარებად ეკონომიკებში.

გეორგიევა ტვიტერზე: ჩინეთში, დიდ ბრიტანეთში და აშშ-ში ღარიბი ოჯახების ვალის ტვირთი პანდემიის დროს გაუარესდა, როგორც ჩვენი უახლესი ანალიზი აჩვენებს. ეს საკითხი პოლიტიკის შემქმნელებისთვისაა, რადგან კერძო ვალი უფრო უთანასწორო საზოგადოებებამდე მიგვიყვანს.

UN DESA: ჰუმანიტარული დაფინანსების მოთხოვნები ოდნავ შემცირდა 2021 წლისთვის, თუმცა მუდმივად იზრდებოდა 2012 წლიდან და შესაბამისად, ჰუმანიტარულ დაფინანსებაზე რეალურ მოთხოვნასა და ფაქტობრივ დაფინანსებას შორის ზღვარი თითქმის $20 მილიარდი იყო. ხელმისაწვდომი, სტაბილური ფინანსების გარეშე, განვითარებადი ქვეყნები ვერ დაიბრუნებენ COVID19-ის დანაკარგებს და ვერ შეძლებენ უპასუხონ სხვა კრიზისებს.

გეორგიევა ტვიტერზე: ჩვენ ახლახან მივიღეთ სტრატეგია მოწყვლადი და კონფლიქტით დაზარალებული სახელმწიფოების შესახებ. ის ფოკუსირებულია მაკროპოლიტიკებზე: როგორ უზრუნველვყოფთ გამჭვირვალობას და ანგარიშვალდებულებას შემოსავლებზე და როგორ მივმართავთ სახელმწიფო ხარჯებს ყველაზე ეფექტური გზით.

ბიზნეს ინსაიდერი: მილიარდერებმა ნახეს, რომ მათი სიმდიდრე გაიზარდა 62%-ით პანდემიის დროს, ხოლო ზოგადად დასაქმებულთა ხელფასები გაიზარდა 10%-ით.

ბლუმბერგი: ეგვიპტე ცდილობს მოიზიდოს მეტი ვიზიტორი ლათინური ამერიკიდან და აზიიდან. ამით ქაირო ცდილობს შეარბილოს მის მთავარ ტურისტულ ინდუსტრიაზე რუსეთის მიერ უკრაინაში შეჭრის შედეგად გამოწვეული დარტყმა. იმის გამო, რომ კონფლიქტი საფრთხეს უქმნის რუსი და უკრაინელი ტურისტების ჩამოსვლას, რომელიც შეადგენდა ეგვიპტის მთლიანი ტურისტების რაოდენობის 30%-40%-ს, ხელისუფლება ასევე ცდილობს დააჩქაროს ევროპული ქვეყნების დაბრუნება.

FT: წამყვანი შოტლანდიური მწარმოებელი Chivas Brothers ამბობს, რომ მისი მიზანია გააორმაგოს ექსპორტი ინდოეთში, თუ ნიუ დელი ვისკის ტარიფებს მოხსნის, რაც დიდი ბრიტანეთის მთავარი მოთხოვნაა ორმხრივ სავაჭრო მოლაპარაკებებში პრემიერ-მინისტრ ბორის ჯონსონის ინდოეთში ამ კვირაში ვიზიტის წინ. ინდოეთი ვისკის უმსხვილესი მომხმარებელია მსოფლიოში და სიდიდით მეორე შოტლანდიის საექსპორტო ბაზარი მოცულობით. მაგრამ ბრიტანული ინდუსტრია ინდოეთს 150 პროცენტიან საიმპორტო ტარიფში ადანაშაულებს.

შემთხვევითი სიახლე

ლარი დოლართან გამყარდა, ევროსთან გაუფასურდა

17 მაისის ვაჭრობის შედეგად აშშ დოლარი გაუფასურდა და  2.9654 ლარი შეადგინა. კურსი, რომელიც დღეს მოქმედებდა, …