მთავარი ეკონომიკური მოვლენები 3 ივნისის დილისათვის

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

ნავთობის ფასები და ენერგოუსაფრთხოება

BI: ახალ მოხსენებაში ნათქვამია, რომ საუდის არაბეთს შეუძლია ნავთობის მოპოვების გაზრდაზე გადასვლა, თუ ომის დროს სანქციები რუსეთს ნედლი ნავთობის მოპოვებას აიძულებს.

FT: OPEC და მისი მოკავშირეები შეთანხმდნენ ნავთობის მოპოვების გაზრდაზე სექტემბრის ნაცვლად უკვე ივლისსა და აგვისტოში, რადგან კარტელის მთავარი მხარდამჭერი საუდის არაბეთი დაემორჩილა აშშ-ის ზეწოლას ნედლი ნავთობის ფასის შემცირებასთან დაკავშირებით, რადგან მაღალი ფასი გლობალური ეკონომიკის შეჩერების საფრთხეს ქმნიდა.

CNN  Business Nightcup: არავის სურდა ომის დაწყებისას რუსული ნავთობისა და გაზის აკრძალვა – ეს მიწოდება ზედმეტად სასიცოცხლოდ მნიშვნელოვანი იყო გლობალური ბაზრისთვის, განსაკუთრებით ევროპაში, თანაც შუა ზამთარში.

მაგრამ ნავთობის მოვაჭრეები (და დანარჩენი მსოფლიო) შეძრწუნდნენ პუტინის სისასტიკით და მაინც დაიწყეს რუსულ ნავთობზე უარის თქმა.

BI: ნავთობის ფასები იკლებს, თუმცა პარალელურად აშშ-ის მარაგებიც მცირდება, ამასთან ერთად OPEC-ის წევრ ქვეყნებში წარმოების ზრდა საკმარისი არ არის

CNN Business Nightcup: ენერგეტიკის ამჟამინდელი და ყოფილი ოფიციალური პირები აღნიშნავენ, რომ ისინი შეშფოთებულნი არიან, რომ მსოფლიო ენერგეტიკული კრიზისისკენ მიდის, რომელიც კონკურენციას გაუწევს ან გადააჭარბებს 1970-იან და 1980-იანი წლების დასაწყისში ნავთობის კრიზისებს. ამჯერად, ეს არ არის მხოლოდ ნავთობი.

„ახლა ჩვენ გვაქვს ნავთობის კრიზისი, გაზის კრიზისი და ელექტროენერგიის კრიზისი ერთდროულად“, – განაცხადა  საერთაშორისო ენერგეტიკის სააგენტოს ხელმძღვანელმა ფატიჰ ბიროლმა. – „ეს ენერგეტიკული კრიზისი გაცილებით დიდია, ვიდრე 1970-იან და 1980-იანი წლების ნავთობის კრიზისები. და ეს ალბათ უფრო დიდხანს გაგრძელდება”.

The Economist: აღმოსავლეთ ევროპის ზღვაზე გასასვლელის არმქონე ქვეყნები, რომლებიც ყველაზე მეტად ექვემდებარებიან რუსეთის ენერგეტიკას, უფრო მეტი სირთულეების წინაშე არიან, ვინაიდან არ არსებობს ინფრასტრუქტურა გაზის მისაწოდებლად იქ, სადაც ეს საჭიროა

მსოფლიო ეკონომიკა

IMF: უკრაინის ომი გვიბიძგებს გეოპოლიტიკური გადაჯგუფების, მიწოდების შეფერხების, საკვებისა და ენერგეტიკული დაუცველობის და უფრო არასტაბილური ფინანსური ბაზრებისკენ. ამ შოკებმა შეიძლება შეარყიოს სოციალური და პოლიტიკური სტაბილურობა ზოგიერთ ქვეყანაში და ამავდროულად შეასუსტოს მთელი მსოფლიოს უნარი, დაუპირისპირდეს თავის უპირველეს გრძელვადიან გამოწვევას, კლიმატის ცვლილებას.

გეორგიევა: ჩვენ უნდა ვიპოვოთ სასწრაფო გზები კლიმატის ცვლილების საწინააღმდეგოდ მეტი დაფინანსების მოსაზიდად, განსაკუთრებით განვითარებადი ეკონომიკებისთვის.

IMF: იაპონიის მრავალი გამოწვევა ხაზს უსვამს მცდელობების მნიშვნელობას ეკონომიკური ზრდის გასაძლიერებლად, რომელსაც შეუძლია ხელი შეუწყოს ინკლუზიურობას, შეამციროს უთანასწორობა და უზრუნველყოს მდგრადი მომავალი. ჩვენმა კვლევამ აჩვენა, რომ ციფრული ინვესტიციების გაზრდამ უზრუნველყო რეფორმების სრულ განხორციელებასთან ერთად,  შრომის მიწოდების ზრდა და პროდუქტიულობა, ამ ყველაფერმა შეიძლება გაზარდოს მთლიანი შიდა პროდუქტი.

BI: ისრაელი შეიძენს უფრო სარისკო აქტივებს თავისი რეზერვებისთვის მას შემდეგ, რაც  რეზერვებს დაამატა ჩინური იუანი და შეამცირა დოლარი.

FT: რუსული კომპანიები დასავლური სანქციების გამო ტექნოლოგიურ კრიზისში ვარდებიან, რამაც შექმნა სერიოზული შეფერხებები მიწოდებებში.

FT: აშშ-მა ახალი სანქციები დააწესა ვლადიმირ პუტინთან დაკავშირებულ ფინანსებსა და იახტებზე.