Fitch Ratings-მა თიბისი ბანკის პროგნოზი გააუმჯობესა

თბილისი (BPI) – საერთაშორისო სარეიტინგო სააგენტო Fitch Ratings-მა თიბისი ბანკის გრძელვადიანი საკრედიტო რეიტინგის პროგნოზი გააუმჯობესა და მას „სტაბილურის“ სტატუსი მიანიჭა, ხოლო ბანკის გრძელვადიანი რეიტინგი (IDR) კი, კვლავ “BB” – ზე დაადასტურა.

სტაბილური პროგნოზი თიბისი ბანკის საკრედიტო პორტფელზე კოვიდ პანდემიისგან გამოწვეული კრიზისის შემცირებულ ზეგავლენას ასახავს.

სარეიტინგო სააგენტო მიიჩნევს, რომ თიბისი ბანკი არსებულ გამოწვევას კაპიტალის ჯანსაღი ბუფერით და კარგი ფინანსური მაჩვენებლებით შეხვდა. შესაბამისად, Fitch Ratings-ის მოლოდინით, თიბისი ბანკის მომგებიანობა საკმარისი იქნება პანდემიის შედეგად მიღებული შესაძლო საკრედიტო დანაკარგების ასათვისებლად, ისე რომ ბანკის ფინანსურ პროფილს საფრთხე არ შეექმნას.

შემთხვევითი სიახლე

საგარეო სავაჭრო ბრუნვა 25.6 პროცენტით გაიზარდა

2021 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 14 315.6 მლნ. აშშ დოლარი …