COVID-მა შემოქმედებითი ინდუსტრიების სექტორი მნიშვნელოვნად დააზარალა

თბილისი (BPI) – გლობალური პანდემიით გამოწვეული კრიზისის შედეგად საქართველოს შემოქმედებითი ინდუსტრიების სექტორი მნიშვნელოვნად დაზარალდა, – ასეთია ჯგუფის „შემოქმედებითი ინდუსტრიების გამოწვევები“ ინიციატიავით ჩატარებული კვლევის „COVID-19 გავლენა შემოქმედებით ინდუსტრიებზე“ შედეგები.

გამოკითხულთა უდიდესი ნაწილი 44,7%, რომელიც შემოსავალს შემოქმედებითი საქმიანობით იღებს, აცხადებს, რომ პანდემიამ მათ საქმიანობაზე ფინანსური კუთხით ძალიან ცუდად იმოქმედა და შემოსავლის გარეშე დატოვა. მათ უმრავლესობას არ აქვს შემოსავლის ალტერნატიული წყარო.

71,6%-ის თქმით, აპრილ-ივნისში დაგეგმილი ყველა შემოქმედებითი აქტივობის გადადება მოუწიათ. 23,5%-ის თქმით, აქტივობები ნაწილობრივ გადაიდო, არაფერი შეცვლილა მხოლოდ 4,9%-ისთვის.

ამავდროულად მათი უმრავლესობა 46,9% აღნიშნავს, რომ სამომავლოდ შესაძლოა, მათი პროექტების გარკვეული ფორმით ონლაინ/დისტანციურ ფორმატში ტრანსფორმირდეს, 45,7%-ისთვის კი ეს შეუძლებელია, სრულად შესაძლებელია 7,4%-ისთვის.

კითხვაზე თუ რა შეიძლება არსებულ სიტუაციაში მოკლევადიან პერიოდში გაკეთდეს, გამოკითხულთა 25%-ი გამოსავლად სახელმწიფოს მხრიდან ფულად დახმარებას ასახელებს, 21,8% ასახელებს ონლაინ პლატფორმების შექმნას, სადაც არტისტები შეძლებენ თვითრეალიზებას და გარკვეული შემოსავლის მიღებას, 14%-ისთვის კი მნიშვნელოვანია ახალი საგრანტო პროგრამები, რომლებიც არსებულ რეალობაზე იქნება მორგებული.

გამოკითხულები ასევე მიუთითითებენ, რომ მნიშვნელოვანია უკვე გამოცხადებული კონკურსების მოდიფიკაციის აუცილებლობაზე. 4,6% მიიჩნევს, რომ გადასახადებისგან გათავისუფლება ან მათი გადავადება არის ის ერთ-ერთი დახმარება, რაც სახელმწიფოს შეუძლია გააკეთოს არტ სექტორში დასაქმებულების დასახმარებლად.

გამოკითხვა 30 მარტიდან 28 აპრილის პერიოდში ჩატარდა. მასში მონაწილეობა მიიღო 81-მა ადამიანმა. მონაწილეთა 63% ხელოვანია, არტმენეჯერი/კულტურის ლიდერი – 33,3%, სხვა სფეროებში მოღვაწეობს – 3,7%.

ონლაინ პლატფორმა „შემოქმედებითი ინდუსტრიების გამწვევები“ შეიქმნა 2020 წლის მარტში და დღეისთვის სფეროს 400-ზე მეტ წარმოამდგენელს აერთიანებს. პლატფორმის შექმნის მიზანია კომუნიკაციის გამარტივება შემოქმედებითი ინდუსტრიების და სხვა დაინტერესებულ ადამინებს / სექტორებს შორის; ასევე შემოქმედებითი ინდუსტრიების სექტორში არაფორმალური განათლების ხელის შეწყობა და პირველი ღია ელექტრონული ბიბლიოთეკის შექმნა.

ონლაინ პლატფორმის დამფუძნებლები არიან ხელოვნების მენეჯმენტის დოქტორი და GIPA-ს ლექტორი ნინო წითლანაძე და კულტურის ლიდერი, ფესტივალ Black Sea Sound  და გალერეა ART UP – ის დამფუძნებელი ლევან გელიაშვილი.

 

 

 

შემთხვევითი სიახლე

“ვალის მაჩვენებელი არ არის საგანგაშო – 60%-იანი ზღვარი არის სსფ-ს სარეკომენდაციო ხასიათის სტანდარტი”

„პანდემიურმა დღის წესრიგმა ცხადია მომდევნო წლის ბიუჯეტის პროექტის პრიორიტეტებზეც მოახდინა მნიშვნელოვანი გავლენა და ხარჯვა დაიგეგმა …