Air Arabia-მ საქართველოს მიმართულებით ფრენები შესაძლოა ეგვიპტიდანაც განახორციელოს

თბილისი (BPI) – არაბული “ლოუკოსტერი” Air Arabia-მ საქართველოს მიმართულებით ფრენები შესაძლოა ახალი ლოკაციებიდან განახორციელოს.

ეგვიპტის არაბთა რესპუბლიკაში შედგა საქართველოს ელჩის შეხვედრა ავიაკომპანია Air Arabia-ს ეგვიპტის ფილიალის მენეჯერთან აშრაფ მაჰმუდთან და ამავე კომპანიის ფინანსურ მენეჯერ აჰმედ ელმასრისთან.

საელჩოს ინფორმაციით, შეხვედრაზე განხილული იქნა ეგვიპტესა და საქართველოს შორის ახალი მიმართულებებით პირდაპირი ფრენების განხორციელების შესაძლებლობა.
მხარეები შეთანხმდნენ, რომ მომავალშიც გააგრძელებენ კონსულტაციებს ამ საკითხთან დაკავშირებით.

შეგახსენებთ, რომ  Air Arabia საქართველოს ავიაბაზარზე უკვე წლებია ოპერირებს. ის თბილისის მიმართულებით რეისებს არაბთა გაერთიანებული საამიროების სიდიდით მესამე ქალაქიდან და შარჯის საამიროს ადმინისტრაციული ცენტრიდან, ქალაქ შარჯადან ასრულებს.

შემთხვევითი სიახლე

მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს

თბილისი (BPI) – მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან  ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები“, – განაცხადა ნათია თურნავამ. ეკონომიკის მინისტრის თქმით, პრემიერ-მინისტრთან ერთად, პრაქტიკულად, ყოველდღიურ რეჟიმში მიმდინარეობს განხილვა, თუ როგორ მოხდეს თითოეული დარგის მართვა კიდევ უფრო ეფექტიანად არსებული სტრუქტურის ფარგლებში. …