Business Political Insights BPI.GE
თბილისი (BPI) – ევროპულის საქართველოს ერთ-ერთი ლიდერი გიგი უგულავა სასამართლომ დამნაშავედ ცნო და მას 3 წლით, 2 თვით და 8 დღით პატიმრობა შეუფარდა.
სასამართლო უგულავას მერობის პერიოდში თბილისის განვითარების ფონდიდან 48 მილიონი ლარის მითვისება-გაფლანგვაში ადანაშაულებს.
უზენაესი სასამართლოს განცხადებაში ნათქვამია:
“გ. უ. ცნობილ იქნა დამნაშავედ საქართველოს სსკ-ის 182-ე მუხლის (მითვისება/გაფლანგვა) მე-2 ნაწილის „დ“ ( სამსახურებრივი მდგომარეობის გამოყენებით) და ამავე მუხლის მე-3 ნაწილის „ა“ და „ბ“ ქვეპუნქტებით (დიდი ოდენობით, ორგანიზებული ჯგუფის მიერ) გათვალისწინებული დანაშაულის ჩადენისათვის და საბოლოო სასჯელის სახედ და ზომად განესაზღვრა 3 წლით, 2 თვითა და 8 დღით თავისუფლების აღკვეთა” – ნათქვამია უზენაესი სასამართლოს გადაწყვეტილებაში.
იქვე მითითებულია:
„საქართველოს უზენაესი სასამართლოს სისხლის სამართლის პალატამ ზეპირი მოსმენის გარეშე განიხილა საქართველოს გენერალური პროკურატურის საკასაციო საჩივარი გ. ს; გ. უ; დ. ა; ა. თ; და დ. ა. მიმართ წარდგენილ ბრალდებასთან დაკავშირებით და ნაწილობრივ დააკმაყოფილა”.
