24 ნოემბერს მდგრადი დაფინანსების ფორუმი გაიმართება

საქართველოს ეროვნული ბანკი, მდგრად საბანკო და საფინანსო ქსელთან (SBFN) და საერთაშორისო საფინანსო კორპორაციასთან (IFC), მსოფლიო ბანკის ჯგუფის წევრი, თანამშრომლობით 24 ნოემბერს მდგრადი დაფინანსების ფორუმს უმასპინძლებს. ეს არის ყოველწლიური ღონისძიება, რომელიც წელს ონლაინ ფორმატში გაიმართება. ფორუმი წარმოადგენს პლატფორმას, სადაც სხვადასხვა ქვეყნის წარმომადგენლები მდგრადი დაფინანსების საკითხებზე მსჯელობენ და ერთმანეთს გამოცდილებას უზიარებენ. წლევანდელ ღონისძიებაში მონაწილეობას მიიღებენ IFC-ის ექსპერტები, SBFN-ის წევრი ქვეყნების წარმომადგენლები, ევროპისა და ცენტრალური აზიის ცენტრალური ბანკების პრეზიდენტები და კაპიტალის ბაზრის მარეგულირებლები, საქართველოს მთავრობის წარმომადგენლები და სხვა დაინტერესებული მხარეები.

შემთხვევითი სიახლე

ტარიფის სენსიტიურობიდან გამომდინარე არ გვაქვს იმის ფუფუნება, რომ პოლიტიკური მიზეზებიდან გამომდინარე შედარებით იაფ რუსულ ენერგიაზე ვთქვათ უარი – ნარმანია

ჩვენ გარკვეული თვეების განმავლობაში რუსეთიდან ვიღებთ ელექტროენერგიას, იქიდან გამომდინარე, რომ თურქეთთან და აზერბაიჯანთან შედარებით უფრო იაფია …