17 იანვრიდან საქართველოში ინოვაციური სტარტაპებისთვის ახალი საგრანტო პროგრამა იწყება – მინისტრი

17 იანვრიდან საქართველოში ინოვაციური სტარტაპებისთვის ახალი საგრანტო პროგრამა იწყება – ამის შესახებ ეკონომიკისა და მდგრადი განვითარების მინისტრმა დღეს ოზურგეთში ახალი ტექნოპარკის გახსნის ცერემონიაზე სიტყვით გამოსვლისას განაცხადა. ნათია თურნავას ინფორმაციით, ეს არის ევროკავშირის მიერ დაფინანსებული საპილოტე პროექტი, რომელიც საქართველოს ოთხ რეგიონს შეეხება, მათ შორის ერთ-ერთი რეგიონი გურიაა.

„საუბარია ინოვაციურ სტარტაპებსა და ინოვაციურ იდეებზე – ეს შეიძლება იყოს ყველაფერი, დაწყებული მობილური აპლიკაციით, რომელიც სტუმრებს გურიის ღირშესანიშნაობებს გააცნობს, დამთავრებული საავიაციო ტექნოლოგიებით და მანქანათმშენებლობით, რომლის მოდელირებაც შეიძლება ლაზერული მჭრელების და 3D პრინტერების მეშვეობით. ჩვენ მზად ვართ, ეს კონკურსი ჩავატაროთ, სადაც გამოვლენილი საუკეთესო სტარტაპები დაფინანსდებიან 30 000 და 100 000-ლარიანი გრანტებით“, – განაცხადა ეკონომიკის მინისტრმა.

ნათია თურნავას თქმით, საგრანტე პროგრამისთვის ოზურგეთის ახალი ტექნოპარკის გამოყენებაც მოხდება, რათა პროგრამაში მონაწილეობა ყველა მსურველმა მიიღოს.

ახალი პროგრამის შესახებ დეტალური ინფორმაცია საზოგადოებისთვის უახლოეს დღეებში გახდება ცნობილი.

შემთხვევითი სიახლე

ფარმაცევტული სექტორის მარეგულირებელი გარემოს სრულყოფის მიზნით, კონკურენციის ეროვნული სააგენტოს მიერ გაცემული რეკომენდაციების აღსრულებაზე სპეციალური ჯგუფი იმუშავებს

საქართველოს პრემიერ-მინისტრის დავალებით, ჯანდაცვის სამინისტროში სპეციალური სამუშაო ჯგუფი შეიქმნა, რომელიც ფარმაცევტული სექტორის მარეგულირებელი გარემოს სრულყოფის …