13,000 გაუქმებული ფრენა: კორონავირუსის გლობალური შედეგები

თბილისი (BPI) – კორონავირუსის გავრცელების მზარდი საშიშროების ფონზე, სულ უფრო და უფრო მეტი შიდა და საერთაშორისო რეისი უქმდება.

თავდაპირველად, ავიამიმოსვლის მკვეთრი შემცირება ჩინელი მოგზაურებისთვის ერთ-ერთ ყველაზე პოპულარულ მიმართულებებზე დაფიქსირდა, როგორებიცაა მაგალითად, იაპონია და სამხრეთ კორეა.

ავიარეისების გაუქმება პასუხია იმ შიშებისა, რაზე მსოფლიო ჯანდაცვის ორგანიზაციამ გუშინ ისაუბრა, როდესაც განაცხადა, რომ მსოფლიო უნდა მოემზადოს გლობალური პანდემიისთვის.

ავიარეისების გაუქმება ეკონომიკისთვის საფრთხეს წარმოადგენს, რადგან ჩინეთი ბევრი ქვეყნის, მათ შორის აშშ-ის ტურიზმის ერთ-ერთი ძირითადი წყაროა.

აღსანიშნავია ისიც, რომ ვირუსის გავრცელების კვალდაკვალ მსოფლიოს ფლაგმანმა ავიაკომპანიებმა შეზღუდეს ან შეაჩერეს ფრენები ჩინეთის მიმართულებით და პირიქით.

ჩინეთის იზოლაციამ შესაძლოა მსოფლიო ეკონომიკაზე უმძიმესი შედეგები მოახდინოს.

ტურიზმის მსოფლიო ორგანიზაციის მონაცემებით. 2018 წელს ჩინეთის მაცხოვრებლებმა 277 მილიარდი დოლარი დახარჯეს საზღვარგარეთ.

ჯერ კიდევ ნაადრევია იმის თქმა, თუ რა გავლენა იქონია მსოფლიო ეკონომიკაზე, მაგრამ Wall Street- ის ანალიტიკოსები და ეკონომისტები ცდილობენ ხარჯების გაანგარიშებას.

GHN

შემთხვევითი სიახლე

საქართველოს ბანკის მხარდაჭერით ზუგდიდში ლოკოკინების ფერმა გაშენდა

თბილისი (BPI) – საქართველოს ბანკის ფინანსური მხარდაჭერით სამეგრელოში, კერძოდ, ზუგდიდის სოფელ ერგეტაში ნახევარ ჰა-ზე ლოკოკინების …