Business Political Insights BPI.GE 
თბილისი (BPI) -„ანაკლიის განვითარების კონსორციუმის“ 4%-იანი წილის მფლობელი ჰოლანდიური კომპანია Van Oord-ი გახდება, რის სანაცვლოდაც პროექტში 5 მლნ დოლარს ჩადებს.
მთავრობამ „ანაკლიის განვითარების კონსორციუმს“ Van Oord -ისთვის აქციების მიყიდვის ნებართვა უკვე მისცა. ამ კომპანიამ გასულ წელს ანაკლიის პორტის ფსკერის დაღრმავების სამუშაოები შეასრულა.
მთავრობა პროექტში კიდევ ერთი ინვესტორის შესვლის საკითხს სწავლობს. ეს არის ყაზახურ-ჰონგ-კონგური კომპანია „მერიდიანი“, რომელმაც ამერიკული „კონტი ჯგუფი“ უნდა ჩაანაცვლოს.
სამთავრობო საბჭო საბოლოო გადაწყვეტილებას ამ კომპანიასთან დაკავშირებით 29 ოქტომბრამდე მიიღებს.
