ყველა რეფორმა, რომელიც აქამდე იყო ჩადებული და რომელიც მომავალში აისახება სსფ-ს ახალ პროგრამაში, არის საქართველოში დაწერილი რეფორმები, რომლის გაზიარებაც ხდება სსფ-ს მიერ – მინისტრი

„მინდა მკაფიოდ ვთქვა, რომ ყველა რეფორმა, რომელიც აქამდე იყო ჩადებული და რომელიც მომავალში აისახება საერთაშორისო სავალუტო ფონდის ახალ პროგრამაში, არის საქართველოში დაწერილი რეფორმები, რომლის გაზიარებაც ხდება სავალუტო ფონდის მიერ და არასწორია როდესაც ვსაუბრობთ, გარკვეულწილად, რაღაც საშინაო დავალებების შესრულებაზე“, – აღნიშნა ფინანსთა მინისტრმა, ლაშა ხუციშვილმა მთავრობის სხდომის დასრულების შემდეგ გამართულ ბრიფინგზე.
მისი თქმით, სსფ-სთან სამომავლო პროგრამა დასკვნით ეტაპზეა და მასში სწორედ საქართველოში მომზადებული რეფორმები აისახება.
„საერთაშორისო სავალუტო ფონდის პროგრამებში ასახული რეფორმები საქართველოშია დაწერილი და მისი გაზიარება ხდება სავალუტო ფონდის მიერ. რაც შეეხება სამომავლო პროგრამას – ის უკვე, გარკვეულწილად, დასკვნით ეტაპზეა. ამ ახალ პროგრამაშიც, რომელიც ქვეყანას ექნება საერთაშორისო სავალუტო ფონდთან, სწორედ ჩვენს ქვეყანაში მომზადებული რეფორმები იქნება გაზიარებული ფონდის მიერ“, – განაცხადა ფინანსთა მინისტრმა, ლაშა ხუციშვილმა.

შემთხვევითი სიახლე

უაქციზო თამბაქოს ნაწარმის რეალიზაციის ფაქტზე 3 პირი დააკავეს

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ-სამძებრო და საგამოძიებო მოქმედებების შედეგად, პირთა ჯგუფის მიერ, …