უცხოელი განმცხადებლების ჩამონათვალს, რომელთა სასაქონლო ნიშანი დაცული იქნება საქართველოში, TikTok-ის მფლობელი კომპანიაც შეემატა

უცხოელი განმცხადებლების ჩამონათვალს, რომელთა სასაქონლო ნიშანი დაცული იქნება საქართველოში, შეემატა ჩინური წარმოშობის მობილური აპლიკაცია „TikTok“-ის მფლობელი კომპანიაც.
✅ ქვეყნის ტერიტორიაზე მის სასაქონლო ნიშანზე დაცვა საერთაშორისო კლასიფიკაციის (ნიცის კლასიფიკაცია) 12 კლასში შემავალ საქონელსა და მომსახურებაზე გავრცელდება. ეს იმას ნიშნავს, რომ იმ პლატფორმის სიმბოლო, რომელიც საშუალებას აძლევს მომხმარებლებს შექმნან და გააზიარონ მოკლე, სახალისო ვიდეოები, მომავალში ამ კომპანიის მიერ შესაძლოა, გამოყენებულ იქნეს სხვადასხვა თემატურ პროდუქციაზეც და დაამშვენოს საათები, საკანცელარიო ნივთები, ჩანთები, სათამაშოები, ტანსაცმელი და სხვ.
✅ სასაქონლო ნიშნის სხვადასხვა კლასში დაცვა საქართველოში, „TikTok“-ის მფლობელ კომპანიას ანიჭებს ექსკლუზიურ უფლებას მის გამოყენებაზე მთელი ქვეყნის ტერიტორიაზე.
✅ გაეცანით სამრეწველო საკუთრების ახალ ბიულეტენს და მიიღეთ ინფორმაცია ინტელექტუალური საკუთრების სხვადასხვა ობიექტების საქართველოში რეგისტრაციის შესახებ. სამრეწველო საკუთრების ოფიციალური ბიულეტენის მე-20(576) გამოცემას შეგიძლიათ გაეცნოთ შემდეგ ბმულზე: shorturl.at/pGKNP

შემთხვევითი სიახლე

ვიწყებთ პროცესს, რომელიც გულისხმობს საკანონმდებლო ინიციატივის განხილვას როგორც დაინტერესებულ პირებთან, ისე საქართველოს პარლამენტში – ლაშა ხუციშვილი

ვიწყებთ პროცესს, რომელიც გულისხმობს საკანონმდებლო ინიციატივის განხილვას როგორც დაინტერესებულ პირებთან, ისე საქართველოს პარლამენტში, – განაცხადა …