სემეკმა მდგრადი ენერგეტიკის დღისადმი მიძღვნილ ღონისძიებაში მიიღო მონაწილეობა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკი) მდგრადი ენერგეტიკის დღისადმი მიძღვნილ აქტივობებში მიიღო მონაწილეობა. დედაენის ბაღში გამართულ ღონისძიებაზე, სემეკის მიერ წარმოდგენილი იყო ინფორმაცია ნეტო-აღრიცხვისა და გამარტივებული კომუნალური სერვისების შესახებ. სემეკის წარმომადგენლებმა მოქალაქეებს გაუწიეს კონსულტაციები განახლებადი ენერგიების საყოფაცხოვრებო პირობებში გამოყენების რეგულაციებზე.

ღონისძიების ფარგლებში სტუმრებმა მონაწილეობა მიიღეს ვორქშოფებში და გაეცნენ ენერგიის დაზოგვის ყოველდღიურ პრაქტიკებს.

ღონისძიება გაიმართა ეკონომიკისა და მდგრადი განვითარების სამინისტროს მიერ, ევროკავშირისა და გერმანიის რეკონსტრუქციის საკრედიტო ბანკის (KfW) მხარდაჭერითა და კომპანია GOPA Intec-თან თანამშრომლობით, „საქართველოს ენერგეტიკული სექტორის რეფორმის პროგრამის“ ფარგლებში.

შემთხვევითი სიახლე

მზარდია საბანკო სექტორის მიერ ენერგეტიკის სექტორით დაინტერესება – დავით ნარმანია

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მონაწილეობა მიიღო ენერგეტიკული სექტორის …