საქართველო ბრიტანეთისგან თავისუფალი ვაჭრობის შეთანხმების რატიფიკაციას ელის

თბილისი (BPI) – საქართველო  დიდი ბრიტანეთისგან თავისუფალი ვაჭრობის შეთანხმების რატიფიკაციას ელის.

როგორც ეკონომიკისა და მდგრადი განვითარების მინისტრის მოადგილემ გენადი არველაძემ მედიის წარმომადგენლებისთვის გამართულ საინფორმაციო შეხვედრაზე განაცხადა, „ბრექსიტის“ ამოქმედებამდე საქართველომ დიდი ბრიტანეთის ხელისუფლებასთან მოლაპარაკება აწარმოა.

“ხელი მოვაწერეთ შეთახმებას და მოვახდინეთ ამ შეთანხმების რატიფიკაცია. ახლა იგივეს ველოდებით ბრიტანეთის მხრიდან. ვფიქრობთ, დაახლოებით 1 თვეში რატიფიკაცია მოხდება. ჩვენთვის მნიშვნელოვანია ამ პროცესის დროულად დასრულება,“ – განაცხადა გენადი არველაძემ.

მედია საშუალებების წარმომადგენლებისთვის გამართულ საინფორმაციო შეხვედრა ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) იმპლემენტაციასთან დაკავშირებულ საკითხებზე ჩატარდა.

შეხვედრა საქართველოს ეკონომიკისა და მდგრადი განვითარების სამინისტროს მხარდაჭერითა და ევროკავშირის პროექტის „ევროკავშირსა და საქართველოს შორის ასოცირების შეთანხმების განხორციელების მხარდაჭერა – II ფაზა“ ორგანიზებით გაიმართა.

შემთხვევითი სიახლე

საჰაერო ბუნტი – ავიაკომპანიები აერონავიგაციის მოსაკრებლის ზრდას აპროტესტებენ

თბილისი (BPI) – საჰაერო ბუნტი – ავიაკომპანიები აერონავიგაციის მოსაკრებლის ზრდას აპროტესტებენ. უკრაინის საერთაშორისო ავიახაზებმა FlyUIA-მ …