საქართველოში COVID-19-ის პრევენციისთვის დაწესებული იზოლაციის და კარანტინის ვადები შემცირდება

საქართველოში COVID-19-ის პრევენციისთვის დაწესებული იზოლაციის და კარანტინის ვადები შემცირდება. ჯანდაცვის მინისტრის მოადგილის თამარ გაბუნიას განმარტებით, აღნიშნულ საკითხზე  კონსულტაციები უკვე დაწყებულია.

საკარანტინე ვადებთან მიმართებით მივყვებით ამერიკის და ევროპის ქვეყნების პროტოკოლებს. განხილვები და კონსულტაციები დაწყებულია. კარანტინთან მიმართებით დღეს-ხვალ განახლებული გადაწყვეტილება იქნება მიღებული. საკარანტინე ვადების შემცირება ძირითადად დაკავშირებულია “ომიკრონის” მიმდინარეობის განსხვავებულ ფორმასთან და იმასთან, რომ ინფიცირების პერიოდი შედარებით ხანმოკლეა, ვიდრე აქამდე არსებული შტამების შემთხვევაში. გამომდინარე აქედან, თუ პირი არის უსიმპტომო, მისი იზოლაციაში ყოფნა საკმარისია 8 დღის განმავლობაში, ხოლო სიმპტომების შემთხვევაში ეს ვადა ხანგრძლივდება 10 დღემდე, ხოლო თუ საჭიროა, შესაძლოა მეტი დროც. კონტაქტების შემთხვევაშიც, რეჟიმი არის შეცვლილი. ოპტიმალურ ვარიანტზე შევჯერდებით და გადავწყვეტთ“, – განაცხადა თამარ გაბუნიამ.

შემთხვევითი სიახლე

სეს-მ ხორცის გადამამუშავებელ ბიზნესოპერატორს საწარმოო პროცესი შეუჩერა

სურსათის ეროვნული სააგენტოს თბილისის საქალაქო სამსახურის ინსპექტირების ჯგუფებმა, მიღებული შეტყობინების საფუძველზე, შეამოწმეს ქალაქ თბილისში, დ. ჟღენტის 2 ნომერში მდებარე ხორცის გადამამუშავებელი საწარმო, რომელიც საქმიანობას ახორციელებდა სურსათის ეროვნული სააგენტოს გვერდის ავლით, კანონმდებლობით დადგენილი აღიარების მინიჭების გარეშე. საწარმოში გამოვლინდა კრიტიკული  შეუსაბამობები, მათ შორის, სანიტარიულჰიგიენური ნორმების, სურსათის წარმოების ტექნოლოგიური პროცესის, ეტიკეტირებისა და მიკვლევადობის წესის დარღვევები. გარდა ამისა, ბიზნესოპერატორი საქმიანობდა ეკონომიკურ საქმიანობათა რეესტრში რეგისტრაციის გარეშე (65-ე მუხლის 1-ლი ნაწილი). …