საპენსიო სააგენტოს უფროს საინვესტიციო ოფიცრად გოგა მელიქიძე დაინიშნა

საპენსიო სააგენტოს უფროსი საინვესტიციო ოფიცრის თანამდებობაზე გოგა მელიქიძე დაინიშნა. ის უხელმძღვანელებს საპენსიო აქტივების ინვესტირების პროცესს.

„მოხარული ვარ, რომ შევუერთდი საპენსიო სააგენტოს გუნდს, მიმაჩნია რომ საპენსიო რეფორმა ერთ-ერთი ყველაზე წარმატებული ნაბიჯია ჩვენი ქვეყნისთვის. ამასთან, დიდ პასუხიმგებლობას ვგრძნობ ამ გადაწყვეტილებით და დარწმუნებული ვარ რომ შემდგომი ნაბიჯები იქნება საპენსიო სააგენტოს მონაწილეებისათვის უფრო მეტი სარგებლის მომტანი“ – აცხადებს გოგა მელიქიძე.

გოგა მელიქიძეს აქვს ფინანსურ სექტორში მუშაობის 16 წლიანი გამოცდილება, ამასთან ხელმძღვანელ პოზიციაზე 10 წლიანი ხოლო, 9 წლიანი გამოცდილება აქტივების მართვის მიმართულებით. 2015 წლის ოქტომბრიდან მუშაობდა კომპანია „გალტ ენდ თაგარტში“ საბროკერო დეპარტამენტის ხელმძღვანელად. სხვადასხვა წლებში იყო უფროსი ფინანსური ანალიტიკოსი და შემდგომ საინვესტიციო საბანკო დეპარტამენტის ხელმძღვანელი. 2012 – 2015 წლებში იკავებდა გენერალური დირექტორის თანამდებობას კომპანია „სმარტექსში“, რომელიც არის საქართველოში წამყვანი საინვესტიციო ჰოლდინგი, ვენჩერული კაპიტალით დაფინანსების სფეროში. 2012 წლამდე იკავებდა დირექტორის თანამდებობას გაზისა და ნავთობის მომპოვებელ ქართულ-რუმინულ კომპანიაში. 2004 – 2005 წლებში მუშაობდა სადაზღვევო კომპანია „ბი-სი-აი“ („ალდაგი“) საპენსიო სქემის საინვესტიციო ანალიტიკოსად.

შემთხვევითი სიახლე

საქართველოს ბანკის მხარდაჭერით “მზა მზარეული“ ფართოვდება

თბილისი (BPI) – საქართველოს ბანკი მცირე და საშუალო ბიზნესების მხარდაჭერას აქტიურად განაგრძობს. ამჯერად ბანკის ჩართულობით მზა …