საპენსიო სააგენტოს აუდიტს KPMG Georgia ჩაატარებს

თბილისი (BPI) – პარლამენტმა საპენსიო სააგენტოს 2019-2020 წლის ანგარიშგების აუდიტის განხორციელებისთვის აუდიტორი შეარჩია. გარე აუდიტს აუდიტორული კომპანია    KPMG Georgia ჩაატარებს.

საკონკურსო კომისიამ, რომელსაც საფინანსო-საბიუჯეტო კომიტეტის თავმჯდომარე ირაკლი კოვზანაძე ხელმძღვანელობს, არჩევანი კონკურსში მონაწილე სამ აუდიტორულ კომპანიას შორის გააკეთა. გამარჯვებულად,  საუკეთესო ტექნიკური და ფინანსური წინადადებების გათვალისწინებით KPMG Georgia დასახელდა. კონკურსში მონაწილე აუდიტორული ფირმების მიერ წარმოდგენილი  დალუქული კონვერტები, კერძოდ ტექნიკური წინადადებები კომისიის წინა სხდომაზე, ხოლო ფინანსური წინადადებები დღეს, აუდიტორული ფირმების წარმომადგენლების თანდასწრებით გაიხსნა.

კონკურში მონაწილეობდა KPMG Georgia “ფრაისუოთერჰაუსკუპერსი” (PWC) და  “დელოიტი და ტუში”(Deloitte). როგორც ცნობილია, საპენსიო სააგენტოს 2018 წლის გარე აუდიტი აუდიტორულმა ფირმა „ერნსტ ენდ იანგიმ“-მ განახორციელა.

 

 

შემთხვევითი სიახლე

თიბისის კაპიტალიზაცია £708 მლნ-ს აღემატება

თბილისი (BPI) – ლონდონის საფონდო ბირჟაზე (LSE) თიბისი ბანკის ჯგუფის (TBCG LN) აქციები, სასესიო კვირას …