სამეგრელოში მოყვანილი ლურჯი მოცვი ევროპის ბაზარზე გაიყიდება

თბილისი (BPI) – სამეგრელოში ლურჯი მოცვის ბაღები ფართოვდება.

სოფლისა და სოფლის მეურნეობის განვითარების სააგენტოს სამეგრელო-ზემო სვანეთის რეგიონული სამსახურის გათვლებით 2021 წლისთვის ლურჯი მოცვის ბაღების ფართობი რეგიონში 1000 ჰექტარს მიაღწევს.

ამ დროისთვის სამეგრელოში 250-მა ფერმერმა 470 ჰექტარზე ლურჯი მოცვი სახელმწიფო პროგრამის “დანერგე მომავალი” ფარგლებში უკვე გააშენა.

სამეგრელოს რეგიონში ყველაზე მოთხოვნადი სოფლის მეურნეობის სახელმწიფო პროგრამა ,,დანერგე მომავლის“ – კენკროვანი კულტურების ქვეკომპონენტია. პროგრამის მიხედვით სახელმწიფო ნახევარ ჰექტარამდე ბაღების გაშენებისთვის საჭირო ნერგებსა და წვეთოვან სარწყავ სისტემას 100%-ით აფინანსებს.

პროგრამა მიმდინარეა და გრძელდება განაცხადების მიღება. მნიშვნელოვანია, რომ როგორც ნერგები ასევე სარწყავი სისტემა ფერმერებმა მიიღეს უფასოდ და ეს არის დიდი ხელშეწყობა სახელმწიფოსგან“ – განაცხადა მალხაზ თორიამ.

შემთხვევითი სიახლე

თიბისი კაპიტალმა განახლებული მაკრო-სექტორული მიმოხილვა წარადგინა

თბილისი (BPI) – თიბისი კაპიტალმა მეშვიდედ უმასპინძლა ონლაინ კონფერენციას ეკონომიკასა და ბიზნესსექტორებზე COVID-19-ის გავლენის შესაფასებლად. …