რა მოცულობის ელეტროენერგია გამოიმუშავეს ელექტროსადგურებმა

2022 წლის პირველ და მეორე კვარტალში საქართველოს ელექტროსადგურებმა ჯამში, შესაბამისად, 3,107 მლნ და 3,663 მლნ კვტსთ ელექტროენერგია გამოიმუშავა, რაც სრული წარმოების 27.9% და 35.3%-იან ზრდას წარმოადგენს წინა წლის იმავე პერიოდთან მიმართებით (2021 წლის პირველ  კვარტალში (Q1) სრული წარმოება 2,429 მლნ კვტსთ-ს შეადგენდა, ხოლო მეორე კვარტალში (Q2) – 2,708 მლნ კვტსთ-ს). აღნიშნულის შესახებ ინფორმაციას iset ავრცელებს.

2022 წლის პირველ კვარტალში წარმოების ზრდა დიდწილად თბო (+26.1%) და ჰიდროელექტროსადგურების (+30.1%) გამომუშავებული ენერგიის ზრდამ განაპირობა, რამაც დააკომპენსირა ქარის ელექტროსადგურების გამომუშავების 5.2%-იანი კლება. მეორე კვარტალში წარმოების ზრდა დაკავშირებულია თბო (120.2%) და ჰიდროელექტროსადგურების (27.3%) წარმოებული ენერგიის ზრდასთან, რამაც დააკომპენსირა ქარის ელექტროსადგურების გამომუშავების 12%-იანი კლება.

2022 წელს ელექტროენერგიის მოხმარება ადგილობრივ ბაზარზე პირველ  კვარტალში 3,920 მლნ კვტსთ-ს გაუტოლდა, მეორე კვარტალში კი – 3,660 მლნ კვტსთ-ს (2021 წლის პირველ  და მეორე კვარტალთან შედარებით, შესაბამისად, +13% და +9.9%). ენერგიის საერთო მოხმარებამ პირველ  კვარტალში წარმოებას 813 მლნ კვტსთ-ით გადააჭარბა, რაც სრული წარმოების 26.2%-ს შეადგენდა, ხოლო მეორე კვარტალში – 4 მლნ კვტსთ-ით, რაც სრული წარმოების 0.1%-ს გაუტოლდა. 2021 წლის პირველ  კვარტალში სრულმა მოხმარებამ წარმოების 1,040 მლნ კვტსთ-ით  გადააჭარბა, რაც სრული წარმოების დაახლოებით 42.8%-ს შეადგენდა, მეორე კვარტალში კი სრულ წარმოებასა და მოხმარებას შორის სხვაობამ 623 მლნ კვტსთ-ის დეფიციტი გამოიწვია, რაც სრული წარმოების დაახლოებით 18.7%-ს შეადგენდა.

შემთხვევითი სიახლე

ზუგდიდის საჯარო სკოლის მოსწავლეებს კლიმატის ცვლილებისა და ჰაერის დაბინძურების პრობლემების გადაჭრის შესახებ ტრენინგები ჩაუტარდათ

გაეროს ბავშვთა ფონდის (UNICEF) მხარდაჭერით, სემეკთან არსებულ ენერგეტიკის სასწავლო ცენტრში მიმდინარე პროექტის ფარგლებში, ქ. ზუგდიდის …