პროკურატურა რუსთავი 2-ის თანხების მითვისებაზე გამოძიებას იწყებს

თბილისი (BPI) – პროკურატურა რუსთავი 2-ის თანხების მითვისებაზე გამოძიებას იწყებს.

პროკურატურის გავრცელებულ განცხადებაში ნათქვამია:

სამაუწყებლო კომპანია რუსთავი 2-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის საქმეზე მიმდინარე გამოძიების ფარგლებში, პროკურატურის შუამდგომლობის საფუძველზე მიღებულია სასამართლოს შესაბამისი განჩინებები,,სამაუწყებლო კომპანია რუსთავის 2“-ის კონტრაქტორი საწარმოებიდან, მათ შორის „ინტერ მედია“ და „ინტერ მედია პლიუსიდან“, გამოძიებისათვის საჭირო დოკუმენტაციისა და ელექტრონული ინფორმაციის ამოღების თაობაზე. 

სხვა საპროცესო და საგამოძიებო მოქმედებებთან ერთად, მიმდინარე გამოძიების ფარგლებში, დაგეგმილია ტელეკომპანია რუსთავი2-ის ყოფილი დირექტორის ნიკოლოზ გვარამიას გამოკითხვა.

შემთხვევითი სიახლე

თელიანი ველი ორ კომპანიად გაიყოფა

თბილისი (BPI) – თელიანი ველში რეორგანიზაცია იწყება, ის ორ კომპანიად იყოფა, – გადაწყვეტილება კომპანიის 85,08%-იანი …