მთავარი ეკონომიკური მოვლენები 14 ივნისის დილისათვის

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

მსოფლიო ეკონომიკა

FT. გეოპოლიტიკური დაძაბულობა და ენერგორესურსებზე დანახარჯების ზრდა, მომდევნო 12 თვის განმავლობაში ინფლაციაზე ზეწოლას შეინარჩუნებს, რასაც მიწოდების ჯაჭვის ხანგრძლივი შეფერხება მოჰყვება.

Bloomberg. თეთრი სახლი ემზადება პრეზიდენტ ბაიდენის საუდის არაბეთში ვიზიტისათვის, თუმცა არ ადასტურებს, რომ ძირითადი მიზეზი ნავთობის მეტი მოპოვების მოთხოვნა იქნება.

BI. მაისში რუსეთი ინდოეთის ნავთობის სიდიდით მეორე მიმწოდებელი იყო, რითაც მან საუდის არაბეთს გადაუსწრო.

Bloomberg. ჩვენ შეგვიძლია ვიყოთ მრავალი თვის განმავლობაში ენერგორესურსების მაღალი ფასების პირობებში, ვინაიდან საწვავზე გლობალური მოთხოვნა არ კლებულობს და მიწოდება არ იზრდება.

FT. ჩინეთის ფასიანი ქაღალდების მარეგულირებლებმა და ინდუსტრიის ასოციაციებმა ადგილობრივ და უცხოურ ბანკებს დაავალეს, არ გაზარდონ აღმასრულებელი პერსონალის ანაზღაურების დონე. ეს ყველაფერი მოდის პრეზიდენტის სი ძინპინის სწრაფვიდან „საერთო კეთილდღეობას“ შეუწყოს ხელი.

სავალუტო ბაზარი

CNN business Nightcup. ბიტკოინმა, მსოფლიოს უდიდესმა კრიპტოვალუტამ, პარასკევის შემდეგ დაკარგა ღირებულების 20%-ზე მეტი, რაც ყველაზე დაბალი მაჩვენებელია ბოლო 18 თვის განმავლობაში.

FT. იენი კვლავ ვარდნას განაგრძობს. იანვრის შემდგომ ვალუტა 14%-ით დაეცა.

Bloomberg. იენის 24-წლიან მინიმუმამდე დაცემის მიუხედავად, ის მაინც G10-ის საუკეთესო პერსპექტიული ვალუტაა.

FT. Fed აპირებს განიხილოს მონეტარული პოლიტიკის უფრო სწრაფი გამკაცრება, რადგან ის ცდილობს დაეწიოს მზარდი ინფლაციას.

საერთაშორისო საფინანსო ინსტიტუტები

FT. WTO „მარტო იბრძვის“ გლობალური ვაჭრობის დასაცავად. თითქმის სამი ათწლეულის განმავლობაში მსოფლიო სავაჭრო ორგანიზაცია ამცირებს ბარიერებს ვაჭრობისთვის და არბილებს გლობალიზაციის გზას. თუმცა შესაძლოა ეს ვერ გაგრძელდეს.

WB. რამდენადაც ზრდის შენელება და მაღალი ინფლაცია სტაგფლაციის რისკს ზრდის, გრძელვადიანი კეთილდღეობის აღდგენა დამოკიდებულია უფრო სწრაფ აღდგენაზე და უფრო სტაბილურ, წესებზე დაფუძნებულ პოლიტიკის გარემოზე.

EBRD პრეზიდენტი თვითერზე. ჩვენ ვაგრძელებთ ადამიანებისა და საქონლის გადაადგილების ხელშეწყობას უკრაინაში და მის ფარგლებს გარეთ, ასევე მხარს ვუჭერთ ქვეყნის სავაჭრო კავშირებს დანარჩენ მსოფლიოსთან.

შესაბამისად, ხელი მოვაწერეთ 50 მილიონი ევროს სესხს უკრაინისათვის.

BI. ბევრი ადამიანისთვის, განსაკუთრებით პანდემიის დროს, ბიბლიოთეკები სოციალურ ფუნქციას ასრულებდნენ. პანდემიის დროს მოქნილ, საერთო სამუშაო სივრცეზე მოთხოვნა იზრდებოდა.

BI. დისტანციურმა მუშაობამ შეიძლება გამოიწვიოს პოლიტიკური და სოციალური პრობლემები, რომლებიც გამოწვეულია კავშირების გათიშვით.

დისტანციური მუშაობის იზოლირებულ ბუნებასთან საბრძოლველად, დასაქმებულებს სჭირდებათ ადგილები სხვა ადამიანებთან დასაკავშირებლად.

შემთხვევითი სიახლე

რამ გამოიწვია მაისში ეკონომიკის 11.6%-მდე გაზრდა?

„საქართველო მყარად ინარჩუნებს ძლიერ ეკონომიკურ ზრდას 2022 წელსაც“ – ამის შესახებ ვიცე-პრემიერმა ლევან დავითაშვილმა „საქსტატის“ …