მთავარი ეკონომიკური მოვლენები 7 ივნისის დილისათვის

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

სანქციები და ენერგოუსაფრთხოება

BI: რუსეთი ნავთობის რეალიზაციიდან  ნაკლებ მოგებას იღებს, მიუხედავად იმისა, რომ ის უფრო მეტ ნედლ ნავთობს აგზავნის აზიის მიმართულებით, სადაც, უკრაინაში მიმდინაე ომის გამო ნედლეული სოლიდური ფასდაკლებით იყიდება.

The Economist: „ჩვენ მკაფიოდ ვადგავართ გზას, რომ გავხდეთ დამოუკიდებლები რუსული გაზის იმპორტისგან, მაგრამ ამას ცოტა მეტი დრო დასჭირდება, რადგან დამოკიდებულება ძალიან მაღალი იყო“ – გერმანიის ევროპისა და კლიმატის მინისტრი.

BI: კანადის  ნედლი ნავთობის ფასები, ფიუჩერსულ გარიგებებთან შედარებით დაეცა გადამუშავების მაღალი დანახარჯების და არა მილსადენის შეფერხების გამო.

 CNN: ამერიკელი მძღოლები ბენზინში რეკორდულ ფასებს იხდიან რამდენიმე მიზეზის გამო:

• რუსეთის შეჭრა უკრაინაში

• ჩინეთში ლოქდაუნის მოხსნა

• ნაკლები ნავთობი და გაზი სხვა წყაროებიდან

• გაზზე დიდი მოთხოვნა

ატლანტიკური საბჭო: მას შემდეგ, რაც რუსეთის ომი უკრაინაში ყურადღებას ამახვილებს ენერგეტიკული უსაფრთხოების საკითხებზე, სურსათის დეფიციტი საფრთხეს უქმნის ბაზრებს და პოლიტიკური არეულობის საშიშროებას ქმნის.

სასურსათო უსაფრთხოება

BI: ხორბლის ფასი მსოფლიოში იმატებს 5%-ზე მეტით, რადგან აშშ-ში ცუდი მოსავალია და ინდოეთში მარცვლეულის სასუქის მიწოდების შეფერხება საფრთხეს უქმნის გლობალურ მიწოდებას.

Bloomberg: ავსტრალია, მსოფლიოში ხორბლის ერთ-ერთი უმსხვილესი ექსპორტიორი, ვარაუდობს, რომ ამ სეზონზე განსაკუთრებულად დიდი მოსავალი ექნება

მსოფლიო ეკონომიკა

BI: ბაზრის მოლოდინი განაკვეთების მატებასთან დაკავშირებით ზედმეტად მკვეთრია და ცენტრალური ბანკები საბოლოოდ იცხოვრებენ გარკვეული ინფლაციის პირობებში, რათა შეინარჩუნონ ზრდა.

UN DESA: მიუხედავად იმისა, რომ უკრაინის ომმა შეცვალა პოსტპანდემიური გლობალური აღდგენის პროცესი, მან ასევე იმოქმედა იმაზე, თუ როგორ უდგებიან ქვეყნებს კლიმატის ცვლილებას და დღის წესრიგის პირველ ადგილზე გადაინაცვლებს ეს საკითხი.

გეორგიევა ტვიტერზე: „მე ვამაყობ, რომ საერთაშორისო სავალუტო ფონდი არა მხოლოდ ეხმარება ქვეყნებს კლიმატის ცვლილების საკითხების მოგვარებაში, არამედ მოწოდებულია წინ წაწიოს გარემოსდაცვითი მდგრადობის მიზნები, როგორც შიდა პრიორიტეტული ინსტიტუტი“.

FT: საფონდო ბირჟები ორშაბათს მთელს მსოფლიოში გაიზარდა, რადგან ჩინეთიდან მიღებული პოზიტიური განახლებების სერიამ, მათ შორის Covid-19-ის ზოგიერთი შეზღუდვის შერბილებამ, გაზარდა ინვესტორების ნდობა.

CNN Business Nightcup: კრიპტო–თაღლითებმა 2021 წლის დასაწყისიდან 1 მილიარდ დოლარზე მეტი მოიპარეს 46 000 ადამიანისგან, განაცხადა ფედერალურმა სავაჭრო კომისიამ.

 

შემთხვევითი სიახლე

საქართველოს რეზიდენტების საზღვარგარეთ მოგზაურობის მაჩვენებელი 3.9-ჯერაა გაზრდილი

2022 წლის III კვარტალში საქართველოს ტერიტორიიდან დაფიქსირდა საქართველოს რეზიდენტი მოგზაურების 693.4 ათასი გასვლა საზღვარგარეთ, რაც 3.9-ჯერ …