მთავარი ეკონომიკური მოვლენები 27 ივნისის დილისათვის

მედიაჰოლდინგ „კომერსანტის“ მმართველი პარტნიორი გიორგი აბაშიშვილი რადიო „კომერსანტზე“ თავის რუბრიკაში – „ბიზნეს ინსაიდერის ბრიფინგი“ მსოფლიო ეკონომიკის მნიშვნელოვან ამბებს მოგვითხრობს.

Bloomberg. რუსეთმა 1918 წლის შემდეგ პირველად განიცადა დეფოლტი.

რუსეთის ფინანსთა მინისტრი ნაგულისხმევ სტატუსს „ფარსს“ უწოდებს.

საშეღავათო პერიოდი დაახლოებით 100 მილიონი აშშ დოლარის ობლიგაციების გადახდებზე – დაბლოკილი ფართო სანქციების გამო დასრულებულია.

G7-ის სამიტი და რუსეთი

Business Insider. ბაიდენი მოუწოდებს დასავლეთის ქვეყნებს, გააგრძელონ უკრაინის მხარდაჭერა „ეკონომიკური გამოწვევების გადალახვაში“.

FT. G7-ის ლიდერები ეძებენ შეთანხმების სივრცეს რუსულ ნავთობზე „ფასის ლიმიტის“ დაწესებასთან დაკავშირებით, რადგან ჯგუფი მუშაობს მოსკოვის შესაძლებლობის შესაჩერებლად უკრაინაში ომის დაფინანსებისთვის.

ისინი იმედოვნებენ, რომ ლიმიტი შეზღუდავს კრემლის ომის მანქანას და ნედლი ნავთობის მზარდი ფასის სარგებელს შემცირებით, ამავდროულად შეამსუბუქებს ენერგიის მაღალი ფასების გავლენას დასავლურ ეკონომიკაზე.

ბრიტანეთის პრემიერ მინისტრის ოფისი. ახალი რუსული ოქროს ექსპორტი აღარ დაიშვება დიდ ბრიტანეთში, შეერთებულ შტატებში, იაპონიასა და კანადაში – ეს არის პუტინის ომის მანქანის წინააღმდეგ მიზანმიმართული გადაწყვეტილება.

დიდი ბრიტანეთის იმპორტის შეზღუდვები ახლა ვრცელდება 13,5 მილიარდ ფუნტზე მეტ რუსულ ექსპორტზე.

პრეზიდენტი ბაიდენი თვითერზე. შეერთებულმა შტატებმა უპრეცედენტო ხარჯები დააკისრა პუტინს, რათა უარი თქვას შემოსავლებზე, რომელიც მას სჭირდება უკრაინის წინააღმდეგ ომის დასაფინანსებლად.

G7 ერთად ჩვენ ავკრძალავთ რუსული ოქროს იმპორტს, რუსულ მთავარი ექსპორტს, რომელიც რუსეთისთვის ათობით მილიარდ დოლარს შეადგენს.

პრემიერი ჯონსონი თვითერზე. ჩვენ მიერ დღეს გამოცხადებული ზომები პირდაპირ დაარტყამს რუს ოლიგარქებს და პუტინის ომის მანქანას.

ჩვენ გვჭირდება პუტინის რეჟიმის დაფინანსების შეწყვეტა. დიდი ბრიტანეთი და ჩვენი მოკავშირეები სწორედ ამას აკეთებენ.

Bloomberg. G7-ის ზოგიერთი ქვეყნის გეგმა რუსეთიდან ოქროს ახალი იმპორტის აკრძალვის შესახებ „ძირითადად სიმბოლურია“, რადგან ნაკადები უკვე შეზღუდულია სანქციებით.

G7-ის სამიტი და მსოფლიო ეკონომიკა

ჯასტინ ტრუდო თვითერზე. დღეს, G7-ის ლიდერებმა განაახლეს ჩვენი ინფრასტრუქტურული პარტნიორობა. ამ ინიციატივის მეშვეობით ჩვენ ერთად ვმუშაობთ იმისთვის, რომ ინვესტირება მოვახდინოთ პროექტებში მთელს მსოფლიოში, რომლებიც ხელს შეუწყობს მდგრად განვითარებას, შექმნის ეკონომიკურ შესაძლებლობებს და სარგებელს მოუტანს ადამიანებს ყველა ქვეყანაში.

პრეზიდენტი ბაიდენი თვითერზე. დღეს, G7-ის ქვეყნებმა დაიწყეს პარტნიორობა გლობალური ინფრასტრუქტურისა და ინვესტიციებისთვის.

ერთობლივად, ჩვენ მიზნად ვისახავთ დაახლოებით 600 მილიარდი დოლარის მობილიზებას G7-დან 2027 წლისთვის აუცილებელ ინფრასტრუქტურაში ინვესტიციებისთვის, რომელიც აუმჯობესებს ცხოვრებას და მოაქვს რეალური მოგება ჩვენი საზოგადოებისათვის.

პარტნიორობა გლობალური ინფრასტრუქტურისა და ინვესტიციებისთვის მოახდენს სტრატეგიული ინვესტიციების მობილიზებას მდგრადი განვითარებისა და ჩვენი საერთო გლობალური უსაფრთხოებისთვის სასიცოცხლო მნიშვნელობის სფეროებში:

– ჯანმრთელობის დაცვა
– ციფრული კავშირი
– გენდერული თანასწორობა
– კლიმატი და ენერგეტიკული უსაფრთხოება.

FT. მსხვილი გლობალური კომპანიები უბიძგებენ მსოფლიო ლიდერებს გააძლიერონ მოქმედებები კლიმატის ცვლილების დასაძლევად G7-ის სამიტზე.

ღია წერილში სამდღიანი შეკრების წინ, მსხვილი კორპორაციის ხელმძღვანელებმა, მათ შორის Bank of America-სა და Shell-მა მოითხოვა მთავრობის ამბიციური კლიმატის პოლიტიკა, „რომელიც კერძო სექტორს სიცხადეს და სტაბილურობა თავაზობს”.

Business Insider. რუსი ოლიგარქის ჩამორთმეული 75 მილიონი დოლარის სუპერიახტა პირველად აუქციონზე გაიყიდება.

შემთხვევითი სიახლე

ქართულ ტურისტულ ბაზარზე ახალი, უნიკალური პროდუქტი „ქარავანი“ გამოჩნდა

„მუსიკალური ქარავანი“ – ეს არის ტურისტული მოძრაობა, რომელიც საქართველოს ყველა რეგიონში გამართავს ტურისტულ ღონისძიებებს გემოვნებიან …