ლიბერთი გუნდს აძლიერებს – მენეჯმენტმა ვაჟა მენაბდე და ირაკლი აბაშიძე დაიმატა

ლიბერთი ბანკის მმართველ გუნდს აძლიერებს. ბანკს მცირე და საშუალო ბიზნესის მიმართულების დირექტორის პოზიციაზე ვაჟა მენაბდე შეუერთდა. მისი მოადგილე კი ირაკლი აბაშიძე იქნება.

ვაჟა მენაბდეს ფინანსურ სექტორში მუშაობის 21 წლიანი გამოცდილება აქვს. ვაჟას კარიერა 1999 წელს საქართველოს ბანკში დაიწყო, სადაც მას არაერთი პოზიცია ეკავა კორპორაციული საბანკო საქმიანობის დირექტორის მოადგილის და მიკრო დაფინანსების დეპარტამენტის ხელმძღვანელის პოზიციების ჩათვლით. 2010 -2016 წლებში ვაჟა მენაბდე ხელმძღვანელობდა საქართველოს ბანკის მცირე და საშუალო ბიზნესის მიმართულებას. 2016-2018 წლებში ვაჟას ეკავა  სტარტაპ საქართველოს დირექტორის პოზიცია. 2018 წელს ვაჟა მენაბდეს პაშა ბანკის მცირე და საშუალო ბიზნესის ხელმძღვანელის პოზიცია ეკავა.

ვაჟა მენაბდე ფლობს თბილისის სახელმწიფო უნივერსიტეტის ბაკალავრისა  და საერთაშორისო ეკონომიკის MBA ხარისხს. 2019 წლიდან ვაჟა ფლობს გრენობლის მენეჯმენტის სკოლის (Grenoble Ecole de Management, France) MBA ხარისხს.

ირაკლი აბაშიძეს ფინანსურ სექტორში მუშაობის 15 წელზე მეტი გამოცდილება აქვს, უმეტესწილად მცირე და საშუალო ბიზნესების დაფინანსების მიმართულებით. 2005–2017 წლებში ირაკლის ეკავა არაერთი პოზიცია საქართველოს ბანკში – საკრედიტო ოფიცრიდან მცირე და საშუალო ბიზნესის დაფინანსების კოორდინატორამდე. 2016 წლიდან ირაკლი ფინკა ბანკ საქართველოს შეუერთდა  მცირე და საშუალო ბიზნესის  მიმართულების კონსულტანტად. 2017 წლიდან კი ხელმძღვანელობდა საკრედიტო დეპარტამენტს ფინკა ბანკში.

ირაკლი აბაშიძე ფლობს თავისუფალი უნივერსიტეტის (ESM) MBA ხარისხს.

როგორც ირაკლი აბაშიძე აცხადებს, მისთვის დიდი პატივია, ახალ, ძლიერ გუნდთან ერთად ჩაერთოს ლიბერთის უნივერსალურ ბანკად ჩამოყალიბების პროცესში.

“მზად ვარ, ჩემი მრავალწლიანი გამოცდილება მცირე და საშუალო ბიზნესის დაფინანსების მიმართულებით გამოვიყენო და მაქსიმალურად სწრაფად შევთავაზოთ ბიზნესისთვის საინტერესო პროდუქტები და მომსახურება” – განაცხადა ირაკლი აბაშიძემ.

ვაჟა მენაბდე მოხარულია, რომ ირაკლი აბაშიძესთან ერთად ექნება შესაძლებლობა განავითარონ ლიბერთი ბანკის მცირე და საშუალო ბიზნესის მიმართულება ბანკში მიმდინარე ფუნდამენტური ტრანსფორმაციის პროცესში.

ლიბერთის გენერალური დირექტორი ვასილ ხოდელი მიესალმება გუნდის ახალ წევრებს. “დარწმუნებული ვარ, რომ ისინი მნიშვნელოვან წვლილს შეიტანენ ლიბერთის განვითარებაში. ლიბერთის ოჯახის ახალ წევრებს ვუსურვებ წარმატებას ამ მნიშვნელოვან და გამოწვევებით სავსე პოზიციებზე”, – განაცხადა ხოდელმა.

შემთხვევითი სიახლე

საქართველოს ბანკის მხარდაჭერით ზუგდიდში ლოკოკინების ფერმა გაშენდა

თბილისი (BPI) – საქართველოს ბანკის ფინანსური მხარდაჭერით სამეგრელოში, კერძოდ, ზუგდიდის სოფელ ერგეტაში ნახევარ ჰა-ზე ლოკოკინების …