თამბაქოს კონტროლის ალიანსი: JTI უკანონო სპონსორობას ეწევა

თბილისი (BPI) – იაპონური თამბაქოს კომპანია უკანონო სპონსორობას განაგრძობს და  კორპორატიული პასუხისმგებლობის თემაზე მომუშავე ჟურნალისტების დაჯილდოების ღონისძიებაში პარტნიორად მონაწილეობდა, – განცხადებას ამის შესახებ თამბაქოს კონტროლკის ალიანსი ავრცელებს.

“ბოლო ასეთი ღონისძიება  18 თებერვალს გაიმართა. ორგანიზატორი „სტარტეგიული კვლევებისა და განვითარების ცენტრი“ იყო, რომელმაც „საქართველოს სამოქალაქო საზოგადოების მდგრადი ინიციატივის“ პროგრამის ფარგლებში დაფინანსება ევროკავშირისა და კონარდ ადენაური ფონდისაგან მიიღო. ეს საერთაშორისო ორგანიზაციები კატეგორიულად ემიჯნებიან თამბაქოს ინდუსტრიასთან ყოველგვარ პარტნიორულ ურთიერთობებს.

დაჯილდოების ცერემონიაზე იაპონური თმბაქოს კომპანიამ ფულადი პრემიებით დააჯილდოვა მისთვის გამორჩეული ორი ჟურნალისტი, რომელთაც  ქალაქ ვენაში, აპრილის თვეში დაგეგმილ „ევროპის საგამომცემლო კონგრესში“ მონაწილეობას დაუფინანსებს.

ამის შესახებ ინფორმაცია „ჯორჯია თუდეის“ ვებ გვერდზე გავრცელდა: http://georgiatoday.ge/news/19512/Winners-of-Media-Competition-%27Journalists-for-CSR-2019%27-Awarded

ზემოაღნიშნული ფაქტით იღვევა „რეკლამისა“ და „თამაბაქოს კონტროლის“ კანონების, ასევე „თამბაქოს კონტროლის ჩარჩო კონვენციის“ ვალდებულებები. კერძოდ, 2018 წლის 1 მაისიდან აკრძალულია თამბაქოს კომპანიის მიერ ნებისმიერი ღონისძიების სპონსორობა. ამასთან, ათწლეულებია საერთაშორისო საზოგადოება შეთანხმებულია, რომ კორპორატიული სოციალური პასუხისმგებლობა აეკრძალოთ კომპანიებს, რომელთა პროდუქცია  მომხარებლების ნახევარს კლავს და უდიდესი მორალური და ფინანსური პრობლემები მოაქვს ქვეყნების ეკონომიკური განვითარებისათვის.

შესაბამისად, ჩვენი კანონმდებლობითაც აკრძალულია თამაბქოს კომპანიების მიერ რომელიმე ორგანზიაციის ან პირის საქმიანობაში წვლილის შეტანა.

სერიული მკვლელობების ორგანიზატორი თამბაქოს ინდუსტრია და მისი ნებისმიერი წარმომადგენელი კომპანია  კორპორატიულ სოციალურ პასუხისმგებლობას იმიჯის ასამაღლებლად იყენებს. ამ ჟესტით ისინი აცხადებენ, რომ თითქოს „ზრუნავენ“  მომხმარებლებზე.

სინამდვილეში, მედიის წარმომადგენლების ნებსით, თუ უნებლიე მხარდაჭერით  ცდილობენ საკუთარი ბიზნესის მიმართ ლოიალობის მოპოვებას.

ამ კონკრეტულ შემთხვევაში, გაუგებრობაში აღმოჩნდა ისეთი სერიოზული და მნიშვნელოვანი ორგანზაცია, როგორიც ევროკავშირი და კონრად ადენაუერის ფონდია. სამუხაროდ, ორგანიზატორმა ორგანიზაციამ თამბაქოს ინდუსტრიასთან პარტნიორული ურთიერთობის შედეგად, აღნიშნულ საერთაშორისო ორგანიზაციებთან ერთად საკუთარ თავსაც უხერხულობა შეუქმნა. ამასთან, თამბაქოს კომპანიას  საშუალება მისცა, ასეთი მნიშვნელოვანი ღონისძიება საკუთარი საქმიანობის პოპულარიზაციის, და მედიისა და საზოგადოების ლოალობის მოპოვებაში გამოეყენებინა”, – ნათქვამია ალიანსის განცხადებაში.

ამავდროულად ალიანსი მოითხოვს:

  1. შემოსავლების სამსახურმა და შესაბამისმა უწყებებმა დაუყოვნებლივ შეისწავლონ მომხდარი და შესაბამისი საჯარიმო სანქცია განახორციელონ კომპანია „ჯითიეი“-ზე და კომპანიასთან დაკავშირებული ღონისძიების ორგანიზატორებზე;
  2. მოვუწოდებთ, თამბაქოს კომპანიის მიერ დაჯილდოებულ ჟურნალისტებს, საზოგადოებრივი და სოციალური პასუხისმგებლობიდან გამომდინარე, უარი განაცხადონ თამბაქოს ინდუსტრიის დაფინანსებით, ქ. ვენაში დაგეგმილ ღონისძიებაში მონაწილეობაზე. თამბაქოს ინდუსტრიას მათი სახელის საკუთარი ინტერესებისათვის გამოყენების შესაძლებლობას ნუ მისცემენ.
  3. საერთაშორისო და დონორ ორგანიზაციებს ვთხოვთ, მომავალში გაითვალისწინონ აღნიშნული ფაქტი და საგრანტო ან სახელშეკრულებო პირობებში შეიტანონ მოთხოვნა, რომ გრანტის მიმღებ ორგანიზაციას ეკრძალება თამბაქოს ინდუსტრიისაგან დამატებით ნებისმიერი სახის რესურსის თუ დახმარების მიღება.

 

შემთხვევითი სიახლე

თიბისი კაპიტალმა განახლებული, რიგით მეოთხე მაკრო-სექტორული მიმოხილვა წარადგინა

თბილისი (BPI) – თიბისი კაპიტალმა მეოთხედ უმასპინძლა ონლაინ კონფერენციას ეკონომიკასა და ბიზნესსექტორებზე COVID-19-ის გავლენის შესაფასებლად. …