“ბიოლის” ცენტრში ტურისტული ატრაქცია Dinner in the Sky გაიხსნა

თბილისი (BPI) – კოჯორში, “ბიოლის” ცენტრში ტურისტული ატრაქცია Dinner in the Sky გაიხსნა. რესტორანი მსოფლიოს 70 ქვეყანაშია და განსაკუთრებით პოპულარულია ტურისტებში.

პლატფორმა სპეციალური ამწეთი 50 მეტრის სიმაღლეზეა ჩამოკიდებული, სადაც სტუმრები დაკიდებულ მაგიდასთან სადილობენ.

რესტორანი ერთდროულად 22 ადამიანს ემსახურება. 
Dinner in the Sky კონცეფციის პირველი რესტორანი ბელგიაში 2006 წელს გაიხსნა.

მხოლოდ ერთი თვის განმავლობაში, გურმანებს შეეძლებათ 50 მეტრის სიმაღლეზე დააგემოვნონ მათთვის ექსკლუზიურად შექმნილი კერძები და დატკბნენ ცოცხალი მუსიკით.

ახალი ატრაქციის გახსნას 200-მდე სტუმარი დაესწრო. 

„ძალიან სასიამოვნოა, რომ ასეთი ატრაქცია შეემატა თბილისს, ეს გათვლილია მხარჯველუნარიან ტურისტზე, როგორც მოგეხსენებათ ქვეყანაში ტურიზმი მზარდია და ჩვენ ძალიან მოხარულები ვართ, რომ 2019 წლის იანვარი-აპრილი შეგვიძლია ძალიან პოზიტიური ციფრით შევაჯამოთ შემოსავლების ნაწილში, ჩვენ გვაქვს 66 მილიონი აშშ დოლარით ზრდა წინა წლის ანალოგიურ პერიოდთან შედარებით,“ – განაცხადა ტურიზმის ადმინისტრავიის ხელმძღვანელმა მარიამ ქვრივიშვილმა.

შემთხვევითი სიახლე

საქართველოს ბანკის მხარდაჭერით მეღვინეებმა საერთაშორისო ფესტივალში მიიღეს მონაწილეობა

თბილისი (BPI) – საქართველოს ბანკი მცირე და საშუალო ბიზნესის განვითარების მხარდაჭერას განაგრძობს არამხოლოდ საქართველოში, არამედ …