ბიზნესსექტორის ბრუნვა აპრილ-ივნისში 26.6%-ით გაიზარდა

თბილისი (BPI) – ბიზნეს სექტორის ბრუნვამ 2019 წლის II კვარტალში 2018 წლის ანალოგიურ პერიოდთან შედარებით 26.6%-ით გაიზარდა და 25 მლრდ ლარს მიაღწია.

ბიზნესმა 11.2 მლრდ ლარის პროდუქცია გამოშვება შეძლო, 12%-ით მეტი, ვიდრე 2018 წლის ანალოგიურ პერიოდში.

მთლიანი ბრუნვის 52.3% მოდის მსხვილ ბიზნესზე, 20.5% – საშუალოზე, 27.2% – მცირე ბიზნესზე. მცირედით განსხვავებული მდგომარეობაა პროდუქციის მთლიანი გამოშვების შემთხვევაში: მსხვილ ბიზნესზე მოდის პროდუქციის გამოშვების 40.1%, საშუალოზე – 25.8%, მცირე ბიზნესზე – 34.1%.

საწარმოებმა 15.3 მლრდ ლარის (+10.2%) საქონლისა და მომსახურება შეისყიდეს, გადასაყიდად განკუთვნილი საქონლისა და მომსახურების ყიდვებმა – 9.2 მლრდ ლარი შეადგინა (+8.2%).

ბიზნეს სექტორის ბრუნვის სტრუქტურაში ყველაზე მაღალი წილი – 39.5% მოდის ვაჭრობის დარგზე (ავტომობილების და მოტოციკლების რემონტის ჩათვლით). მეორეზეა – ხელოვნება, გართობა და დასვენება 22.5%-იანი წილით, დამამუშავებელი მრეწველობა – 10%, მშენებლობა – 7.4%, ტრანსპორტი და დასაწყობება – 5.6%, ელექტროენერგიის, აირის, ორთქლის და კონდიცირებული ჰაერის მიწოდება – 2.9%, დარჩენილი 12.1% სხვა დარგებზე ნაწილდება

2019 წლის II კვარტალში ბიზნეს სექტორის პროდუქციის გამოშვებაში პირველ და მეორე ადგილებს იკავებს დამამუშავებელი მრეწველობა (21.1%) და მშენებლობა (18%), შემდეგ მოდის ვაჭრობა (17.4%) და ტრანსპორტი და დასაწყობება – 9.8%, დანარჩენ დარგებს სტრუქტურაში 33.7%-იანი წილი უჭირავს.

შემთხვევითი სიახლე

საქართველო აზერბაიჯანთან სატრანსპორტო- ენერგეტიკული პროექტების რეალიზაციის შესაძლებლობებს განიხილავს

თბილისი (BPI) – “საქართველოს რკინიგზის” გენერალური დირექტორი დავით ფერაძე 17-18 სექტემბერს, ეკონომიკის მინისტრ ნათია თურნავასთან …