ანაკლიის კონსორციუმთან ერთად საარბიტრაჟო დავაში საერთაშორიშო ინვესტორებიც ჩაერთვებიან

თბილისი (BPI) – „ანაკლიის კონსორციუმთან ერთად მთავრობის წინააღმდეგ საარბიტრაჟო დავაში აქციონერი საერთაშორიშო ინვესტორებიც ჩაერთვებიან”, – ამის შესახებ ანაკლიის კონსორციუმის გენერალურმა დირექტორმა ლევან ახვლედიანმა განაცხადა.

მისივე განმარტებით, ფინანსური ზარალის ანაზღაურების გარდა, კონსორციუმი არბიტრაჟში მთავრობის მხრიდან ხელშეკრულების აღდგენის მოთხოვნასაც აპირებს.

ანაკლიის კონსორციუმი სამართლებრივ პროცედურებს ორ თვეში დაიწყებს.

„სამწუხაროდ, მთავრობა არ დგამს ნაბიჯს საარბიტრაჯო დავის თავიდან ასაცილებლად. ჩვენ გვექნება დამატებითი მცდელობები თუმცა მოგვიწევს საარბიტრაჟო დავაში შესვლა.“-განაცხადა ლევან ახვლედიანმა.

ამასთან, კონსორციუმის გენერალური დირექირის განმარტებით, თუ სახელმწიფო „ეი პი ემ ტერმინალსზე“ ახალი ღრმაწყლოვანი პორტის მშენებლობისთვის ნებართვას გასცემს, ანაკლიის პროექტი საბოლოოდ დასამარდება.

„ჩვენ სამი წელი გავატარეთ რამდენი ღრმაწყლოვანი პორტი არის გამართლებული. მინდა სრული თავდაჯერებით გითხრათ, საქართველოს ორი ღრმაწყლოვანი პორტი არ სჭირდება. ანაკლია არის ერთადერთი ადგილი, სადაც შესაძლებელია ღრმაწყლოვანი პორტის მშენებლობა,“ – განაცხადა ლევან ახვლლედიანმა.

ბიზნესპარტნიორი

შემთხვევითი სიახლე

“ვალის მაჩვენებელი არ არის საგანგაშო – 60%-იანი ზღვარი არის სსფ-ს სარეკომენდაციო ხასიათის სტანდარტი”

„პანდემიურმა დღის წესრიგმა ცხადია მომდევნო წლის ბიუჯეტის პროექტის პრიორიტეტებზეც მოახდინა მნიშვნელოვანი გავლენა და ხარჯვა დაიგეგმა …