ვიცეპრემიერის პოსტზე მიხეილ ჯანელიძე დაინიშნა

თბილისი (BPI) – გიორგი კვირიკაშვილმა ვიცეპრემიერის პოსტზე მიხეილ ჯანელიძე დანიშნა.

მთავრობის სხდომაზე პრემიერმა განაცხადა, რომ მნიშვნელოვანია, პრიორიტეტებში გამოიკვეთოს საქართველოს მთავრობის საგარეო მიმართულება.

“მინდა წარმოგიდგინოთ ვიცე-პრემიერის პოსტზე მიხეილ ჯანელიძე. ძალიან მნიშვნელოვანია, პრიორიტეტებში გამოიკვეთოს საქართველოს მთავრობის საგარეო მიმართულება, რაც ყოველთვის ასე იყო, თუმცა ეს დანიშვნა კიდევ ერთხელ გაუსვამს ხაზს საგარეო პრიორიტეტების მნიშვნელობას საქართველოს მომავლის შენების საქმეში.

პაპუნამ ძალიან წარმატებული ნაბიჯები გადადგა. ვფიქრობთ, ვიზალიბერალიზაციის პროცესის წარმატებით დასრულება იყო ძალიან მნიშვნელოვანი და რა თქმა უნდა, ამ მიმართულებით ლომის წილი საგარეო საქმეთა სამინისტროს ჰქონდა. ასევე, პაპუნა, ეკონომიკის მინისტრის მოადგილის პოსტზე მუშაობისას, იყო მთავარი მომლაპარაკებელი საქართველოს მხრიდან ევროპასთან თავისუფალი სავაჭრო შეთანხმების გაფორმების პროცესში. ასე, რომ ვფიქრობთ, ეს ძალიან მნიშვნელოვანი გადაწყვეტილებაა და საგარეო მიმართულების პრიორიტეტებში აწევა იქნება ასევე ძალიან მნიშვნელოვანი ჩვენი ქვეყნის ევროპული და ევროატლანტიკური მისწრაფებების წარმატებით განსახორციელებლად”, – განაცხადა გიორგი კვირიკაშვილმა.

შემთხვევითი სიახლე

Colliers International Georgia გარემოსდაცვითი სფეროს საკონსულტაციო მომსახურებას იწყებს

თბილისი (BPI) – Colliers International Georgia გარემოსდაცვითი სფეროს საკონსულტაციო მომსხურებას იწყებს. კომპანიის მიზანია გრძელვადიან პერსპექტივაში ხელი …