Vendoo 1 წლისაა

თბილისი (BPI) – ქართულ ამაზონად წოდებული ონლაინ მაღაზია Vendoo 1 წლისაა. სტარტაპმა ერთი წლის განმავლობაში სახელიც დაიმკვიდრა და ყოველდღიურად იზრდება, იზრდება პლატფორმაზე განთავსებული მაღაზიების, ბრენდების და პროდუქტების რაოდენობა. გასამმაგებულია თანამშრომელთა რაოდენობაც და უკვე 150-ს აღწევს.

დღეის მონაცემებით, ვებგვერდზე განთავსებულია 350-ზე მეტი მაღაზია, 14 კატეგორია და 30 000-ზე მეტი ნივთი. კომპანია ამასთან ერთად მაისში “სუპერ სიახლეებსაც” აანონსებს და იუბილესთან დაკავშირებით, ყველა ვინც, დღეს, კომპანიის ვებგვერდზე შევა, სიურპრიზი დახვდება.

Vendoo-ს პანდემიის გავრცელების პირობებში სოციალური პასუხისმგებლობა არ დავიწყებია და ონლაინ შოპინგზე გაზრდილი მოთხოვნის ფონზე, ქართველ მეწარმეებს მარტსა და აპრილში პლატფორმაზე პროდუქციის უსასყიდლოდ განთავსება შესთავაზა.

როგორც ცოტა ხნის წინ გადაცემა “ბიზნესპარტნიორში”, Vendoo-ს დირექტორმა, ლაშა მაჭავარიანმა განაცხადა, საკომისიო განულებამ ქართველი მეწარმეებისა და ბიზნესის მხრიდან დიდი დაინტერესება გამოიწვია. ადგილობრივი წარმოების ხელშეწყობა პლატფორმამ დაარსებისთანავე დაისახა მიზნად. ამას ისიც ადასტურებს, რომ Vendoo-ზე პანდემიის გავრცელებამდე 60-მდე ქართველი მეწარმის პროდუქცია იყო განთავსებული და კომპანია ხელს უწყობდა მეწარმეებს პროდუქციის რეალიზაციაში.

პანდემიამ დაადასტურა, რომ Vendoo-მ დროს გაუსწრო. მაშინ როდესაც კომპანია ბაზარზე გამოჩნდა განაცხადით ელკომერციიისადმი გარკვეული პესიმისტური განწყობაც არსებობდა. სამომავლოდ კომპანია კატეგორიების გამრავალფეროვნებას გვთავაზობს,  დაემატება ტანსაცმლის, აქსესუარებისა და სუნამოების კატეგორია.

შემთხვევითი სიახლე

ჯიპიაი ჰოლდინგი: ქალი მეწარმეეების მხარდაჭრის პროგრამა გრძელდება

თბილისი (BPI) – „ჯიპიაი ჰოლდინგი“ ქალი მეწარმეების მხარდამჭერ პროგრამას აგრძელებს და კომპანიებს, რომლების დამფუძნებელი ან …