სად ღირს ცხოვრება იაფი – საქართველო რეიტინგში მე-12 ადგილზეა

თბილისი (BPI) – 117 ქვეყანას შორის, საქართველო ცხოვრების სიიაფით მე-12 ადგილზეა. პორტალ Numbeo-ს რეიტინგში საქართველოს 30.14 ქულა აქვს და ის ადგილს ალჟირსა და ბანგლადეშს შორის იკავებს. შეფასებულ ქვეყნებს შორის ყველაზე იაფი ცხოვრება პაკისტანშია, ყველაზე ძვირი კი შვეიცარიაში.

ვებ-გვერდზე მონაცემების დაჯამება რამდენიმე კრიტერიუმით ხდება, მათ შორის ბინის ქირის, პროდუქტებისა და რესტორნების ღირებულებით. აღსანიშნავია, რომ წინა წლებში საქართველო რამდენჯერმე იაფი ქვეყნების ათეულში მოხვედრილა. მაგალითად, 2017 წელს მე-5 ადგილზე იყო.

საიტის კიდევ ერთ განყოფილებაში მსოფლიოს 440 ქალაქში არსებული ფასებია შედარებული. ამ შემთხვევაში თბილისი სიიაფით 51-ე ადგილზეა- კოლუმბიის მედელინსა და რუსეთის კრასნოდარს შორის.

შემთხვევითი სიახლე

მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს

თბილისი (BPI) – მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან  ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები“, – განაცხადა ნათია თურნავამ. ეკონომიკის მინისტრის თქმით, პრემიერ-მინისტრთან ერთად, პრაქტიკულად, ყოველდღიურ რეჟიმში მიმდინარეობს განხილვა, თუ როგორ მოხდეს თითოეული დარგის მართვა კიდევ უფრო ეფექტიანად არსებული სტრუქტურის ფარგლებში. …