ქართველი ბავშვებს ინტერნეტში ყველაზე მეტად ურთიერთობა აინტერესებთ

თბილისი (BPI) – კასპერსკის ლაბორატორიის კვლევის მიხედვით, გასული ზაფხულის არდადეგების პერიოდში ქართველი ბავშვები ძირითადად ინტერესდებოდნენ კომუნიკაციით (52.03%) და პროგრამული უზრუნველყოფით, მუსიკით, სოციალური ქსელებით, ასევე YouTube- ზე ვიდეოებით, ახალი სერიალებით და ფილმებით (33.59%).

ქართველ ბავშვებში შედარებით პოპულარული იყო აზარტული თამაშების ვებ-გვერდები, ლატარიები და ტოტალიზატორები, რამაც მშობლების განგაშიც კი გამოიწვია (5.91%). მაგრამ სხვა შეუსაბამო თემებით, როგორებიცაა ეროტიკა და პორნო, ალკოჰოლი და ნარკოტიკი, ძალადობა და იარაღი, ბავშვები უფრო გაცილებით ნაკლებად ინტერესდებოდნენ, ვიდრე ამას მშობლები შიშობდნენ.

მთელს მსოფლიოში ბავშვთა ანონიმური საძიებო მოთხოვნების ანალიზის შემდეგ, კასპერსკის ლაბორატორიის ექსპერტები მივიდნენ იმ დასკვნამდე, რომ ამ ზაფხულს ისინი ყველაზე ხშირად ეძებდნენ ფილმებსა და სატელევიზიო სერიალებს, რამაც შეადგინა საძიებო მოთხოვნის 22%. უმეტეს შემთხვევაში, ბავშვები ინტერესდებოდნენ ახალი ფილმით ადამიან-ობობაზე. ასევე, მათი ყურადღება გამახვილდა დისნეის ფილმის ალადინის ეკრანიზაციაზე და საბრძოლო ფილმ „ჯონ ვიკ“-ის მესამე ნაწილზე.

რაც შეეხება სერიალებს, საქართველოში, როგორც ზოგადად, ისე მთელ მსოფლიოში, ახალგაზრდა მომხმარებლები ყველაზე ხშირად ეძებენ Netflix- ის “ძალიან უცნაურ რამეებ”-ის ახალ სეზონს. ამავე დროს, ისინი ინტერესდებოდნენ არა მხოლოდ თავად სერიალით, არამედ ინფორმაციით ახალგაზრდა მსახიობების შესახებ, რომელთაგანაც ბევრი მათი თანატოლი იყო. პოპულარობით მეორე ადგილზეგავიდა მინი-სერია HBO-საგან „ჩერნობილი“.

საინტერესოა, რომ ამ სერიის წარმატების ფონზე, ბავშვები დაინტერესდნენ რადიაციით და მასთან დაკავშირებული ყველაფრით. მათ საძიებო მოთხოვნებში გამოჩნდა სიტყვები “რადიოაქტიური”, “რადონი” და სხვა მსგავსი, რომლებიც ადრე პოპულარულების ათეულშიც კი არ შედიოდა.

როგორც ჩანს, ზაფხულში ბავშვებს უფრო მეტი დრო აქვთ ინტერნეტ მაღაზიებში სერფინგისთვის. როგორც მსოფლიო კომპანიის სტატისტიკიდან ჩანს, საშუალოდ, წლის განმავლობაში, კატეგორიამ „ელექტრონული კომერცია“ შეადგინა საძიებო მოთხოვნების დაახლოებით 9%; ზაფხულში, ეს მაჩვენებელი თითქმის 13% -მდე გაიზარდა. ვაჭრობასთან დაკავშირებული ყველაზე პოპულარული მოთხოვნები იყო Amazon, eBay და AliExpress. ტანსაცმლისა და ფეხსაცმლის ბრენდებიდან ბავშვებს ყველაზე მეტად აინტერესებდათ Vans, Gucci, Zara, H&M, Off-White და Balenciaga. ტექნოლოგიის სფეროში მათ იზიდავდა Apple-ის და Samsung– ის პროდუქტები.

ამ ზაფხულის შედეგების ერთ-ერთი საინტერესო ტენდენცია ის იყო, რომ ბავშვები ყურადღებას აქცევდნენ ქსელში კონფიდენციალურობის და ანონიმურობის თემას. მაგალითად, ისეთი სიტყვები, როგორიცაა Proxy და Tor, იდგნენ მათი საძიებო მოთხოვნების პირველ რიგში. ექსპერტები აღნიშნავენ, რომ ზოგადად, ახალგაზრდა მომხმარებლების ინტერესი ამ თემასთან მიმართებაში კვლავ იზრდება, თუმა საკმაოდ ნელა.

იმისათვის, რომ დაიცვათ ბავშვი არასასურველი შინაარსის მასალებისა და სხვა ინტერნეტ-საშიშროებისაგან, შეგიძლიათ გამოიყენოთ სპეციალიზებული გადაწყვეტილებები, რომლებიც ცნობს და ბლოკავს ბევრ შესაბამის კიბერ საფრთხეს, ასუფთავებს არასასურველი შინაარსის მასალას და იცავს პოტენციურად სახიფათო უცხო ადამიანებთან ონლაინ კონტაქტებისაგან. გარდა ამისა, ამგვარი გადაწყვეტილებების დახმარებით, მშობლები იქნებიან ბავშვის პუბლიკაციების კურსში, ეცოდინებათ სოციალურ ქსელებში მისი მეგობრების სიაში მომხდარი ცვლილებების შესახებ, ასევე გაარკვევენ ბავშვის ადგილმდებარეობას რეალურ დროში.

შემთხვევითი სიახლე

მსხვილკაპიტალიანი ბანკების რეიტინგი, ბაზისბანკი – №6

თბილისი (BPI) – საბანკო სექტორის საზედამხედველო კაპიტალი 01.10.2019 -ის მდგომარეობით, ₾7.3  მლრდ-ს აღემატება (01.10.2018 -₾5.9  მლრდ). …