უცხოური ინვესტიციები მინუსებშია

თბილისი (BPI) – ქართულ ეკონომიკაში 2019 წლის II კვარტალში უცხოელმა ინვესტორებმა მხოლოდ 187 მლნ დოლარი ჩადეს, ეს მაჩვენებელი 2018 წლის II კვარტალის დაზუსტებულ მონაცემებს 53.7%-ით ჩამორჩება.

საქსტატი შემცირების გამომწვევ ძირითად მიზეზებს შორის მაგისტრალური გაზსადენის მშენებლობის პროექტის დასრულებას, არარეზიდენტი პირდაპირი ინვესტორის მიმართ ვალდებულებების (სასესხო დავალიანების დაფარვა) და რეინვესტიციის მოცულობის შემცირებას ასახელებს.

უმსხვილესი ინვესტორი ქვეყანა ნიდერლანდებია 31.1%-ით, მეორე ადგილს თურქეთი იკავებს 19.2%-ით, მესამე პოზიციაზე კი აშშ მოხვდა 14.7%-ით.

სამი უმსხვილესი სექტორის წილმა 69.6% შეადგინა. ყველაზე მეტი პირდაპირი უცხოური ინვესტიცია ენერგეტიკის სექტორში განხორციელდა და 63.7 მლნ დოლარს
მიაღწია, რაც მთლიანი პირდაპირი უცხოური ინვესტიციების 34%-ია. მეორე ადგილზეა დამამუშავებელი მრეწველობის სექტორი 38.4 მლნ დოლარით, მესამეზე –
სასტუმროების და რესტორნების სექტორი 28.1 მლნ დოლარით.

შემთხვევითი სიახლე

მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს

თბილისი (BPI) – მთავრობა ეკონომიკის სამინისტროდან ენერგეტიკის სამინისტროს გამოყოფის საკითხს არ განიხილავს. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან  ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები“, – განაცხადა ნათია თურნავამ. ეკონომიკის მინისტრის თქმით, პრემიერ-მინისტრთან ერთად, პრაქტიკულად, ყოველდღიურ რეჟიმში მიმდინარეობს განხილვა, თუ როგორ მოხდეს თითოეული დარგის მართვა კიდევ უფრო ეფექტიანად არსებული სტრუქტურის ფარგლებში. …