ტურიზმის შესახებ კანონპროექტის განხილვა დაიწყო

ტურიზმის მარეგულირებელი კანონმდებლობის სრულყოფის მიზნით, პარლამენტის დარგობრივი ეკონომიკური პოლიტიკის კომიტეტმა, USAID-ის ეკონომიკური მმართველობის პროგრამის ფინანსური მხარდაჭერით და საქართველოს ტურიზმის ინდუსტრიის ალიანსის ჩართულობით, ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის, საქართველოს ტურიზმის ასოციაციების, საჯარო და კერძო სექტორის წარმომადგენლებთან შეხვედრა გამართა.

სამუშაო შეხვედრა, დისკუსიის ფორმატში წარიმართა.

შეხვედრის მონაწილეებმა “ტურიზმის შესახებ“ კანონპროექტის ირგვლივ იმსჯელეს, რომელიც 6 ძირითად თემას მოიცავს:

ტურისტული გიდები;

ტურისტული საქმიანობის რეგისტრაცია;

ევროკავშირთან ასოცირების ხელშეკრულებიდან გამომდინარე ვალდებულებების შესრულება ტურიზმის კანონით სამოგზაურო პაკეტის და კომბინირებული სამოგზაურო მომსახურებების შესახებ დირექტივა და მისი ასახვა კანონპროექტში;

მაღალი რისკის ტურისტული საქმიანობების რეგულირება;

დანიშნულების ადგილის მართვის ორგანიზაცია (DMO);

ტურიზმის ცალკეული სახეობების (მიმართულებების) რეგულირების მიზანშეწონილობა

ღონისძიების მონაწილეებმა საკანონმდებლო და აღმასრულებელი ხელისუფლების, ასევე ტურიზმის სფეროს კერძო სექტორის, სამთავრობო და არასამთავრობო უწყებების წარმომადგენლებმა კანონპროექტთან დაკავშირებით მოსაზრებები გამოთქვეს და დარგის განვითარების მნიშვნელობაზე ისაუბრეს.

შემთხვევითი სიახლე

საქართველოს წმინდა საერთაშორისო საინვესტიციო პოზიციამ -26.8 მლრდ დოლარი შეადგინა

საქართველოს წმინდა საერთაშორისო საინვესტიციო პოზიციამ, 2022 წლის 30 ივნისის მდგომარეობით -26.8 მლრდ აშშ დოლარი (-78.5 …