საქართველოს რკინიგზა გამცილებლებს ინგლისურ ენაში გადაამზადებს

თბილისი (BPI) – საქართველოს რკინიგზის სამგზავრო ფილიალის თანამშრომლები ინგლისური ენის კურსებს გაივლიან. საუბარია იმ თანამშრომლებზე, რომლებსაც მგზავრებთან პირისპირ კომუნიკაცია  აქვთ. გადამზადების კურსები სარკინიგზო ტრანსპორტის კოლეჯში უკვე დაიწყო. რკინიგზის თანამშრომლები გაკვეთილებს კვირაში ორჯერ დაესწრებიან. გადამზადების კურსი ორი თვე გაგრძელდება.

,,სარკინიგზო ტრანსპორტის კოლეჯი ორიენტირებულია რკინიგზის საჭიროებებზე, შესაბამისად, პროფესიული საგანმანათლებლო პროგრამების გარდა, რომლითაც პირს კვალიფიკაცია ენიჭება, კოლეჯი ახორციელებს მოკლევადიან მომზადება-გადამზადების კურსებს. ეს არ არის ჩვენთვის გადამზადების კურსების პირველი შემთხვევა, ამ მიმართულებით კარგი გამოცდილება გვაქვს. ვფიქრობ, ინგლისური ენის გადამზადების კურსი ყველა შემთხვევაში ეფექტური იქნება, რადგან თითოეული დეტალი წინასწარ არის განსაზღვრული. იმედი გვაქვს, რომ ეს კურსიც სრული წარმატებით ჩაივლის,“ – აცხადებს სარკინიგზო ტრანსპორტის კოლეჯის დირექტორი, მანანა მოისწრაფიშვილი.

 

 

შემთხვევითი სიახლე

საქართველოს ბანკის მხარდაჭერით ბაზარზე Georgia`s Natural-ი გამოჩნდა

თბილისი (BPI) – საქართველოს ბანკი ადგილობრივი ბიზნესის მხარდაჭერას განაგრძობს. ბანკთან პარტნიორობით კომპანია Georgia`s Natural-ი ადგილობრივ …