საკრებულოს 50 წევრიდან 26-ს გააჩნია ბიზნესინტერესი

თბილისი (BPI) – „საერთაშორისო გამჭვირვალობა – საქართველომ“ 29 ნოემბერს გამოაქვეყნა კვლევა, რომელშიც შესწავლილია თბილისის მოქმედი საკრებულოს წევრთა სამეწარმეო საქმიანობა.

აღმოჩნდა, რომ საკრებულოს 50 წევრიდან 26-ს გააჩნია ბიზნესინტერესი. მათი უმრავლესობა (23) მმართველი პარტიის წევრია.

საკრებულოს 27 თანამდებობის პირიდან 13 ამა თუ იმ ფორმით არღვევს ინტერესთა შეუთავსებლობასთან დაკავშირებულ კანონის მოთხოვნებს:

  • 10 მათგანს არასრულად აქვს დეკლარირებული საკუთარი ან ოჯახის წევრის სამეწარმეო საქმიანობა;
  • 6-მა კერძო კომპანიაში საკუთარი წილი მართვის უფლებით სხვა პირს არ გადასცა;
  • ერთი იკავებს დირექტორის პოზიციას კერძო კომპანიაში, რითაც ეწევა თანამდებობასთან შეუთავსებელ საქმიანობას.

„საერთაშორისო გამჭვირვალობა – საქართველო“ მიმართავს „საჯარო სამსახურის ბიუროს“, შეისწავლოს ამ თანამდებობის პირების ქონებრივი მდგომარეობის დეკლარაციები და მოახდინოს შესაბამისი რეაგირება.

 

შემთხვევითი სიახლე

სემეკის ინიციატივით საქართველოში ენერგეტიკული კლუბი გაიხსნა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) ინიციატივითა და სემეკში მიმდინარე ევროკავშირის მიერ დაფინანსებული …