მსოფლიო ეკონომიკური ფორუმის აღმასრულებელმა თავმჯდომარემ პრეზიდენტი დავოსში ოფიციალურად მიიწვია

მსოფლიო ეკონომიკური ფორუმის აღმასრულებელმა თავმჯდომარემ კლაუს შვაბმა საქართველოს პრეზიდენტი ოფიციალურად მიიწვია ყოველწლიურ მსოფლიო ეკონომიკურ ფორუმზე, რომელიც დავოსში 2022 წელს  17-21 იანვარს გაიმართება

აღნიშნული მოწვევა საქართველოს პრეზიდენტმა კლაუს შვაბთან ჟენევაში 14 ოქტომბრის შეხვედრის შემდეგ მიიღო.

,,მსოფლიო პოლიტიკური, ბიზნესისა და სამოაქალაქო საზოაგადოების ლიდერებისათვის მნიშვნელოვანია, რომ კიდევ ერთხელ შეიკრიბონ ერთად, რათა აღდგეს ნდობა თანამშრომლობის გზით მომავლის ფორმირების შესაძლებლობის მიმართ”- აღნიშნულია მოწვევის წერილში.

14 ოქტომბრის შეხვედრისას ჟენევაში მხარეებმა ერთმანეთს გაუზიარეს ხედვები ისეთ საერთო პრიორიტეტებზე,  როგორიცაა: პროფესიული უნარების განვითარება, ტექნოლოგიები, ბიომრავალფეროვნება, ასევე განიხილეს ქართველ ახალგაზრდა მეწარმეთა მსოფლიო ეკონომიკური ფორუმის სპეციალურ სამეწარმეო ქსელში ჩართვის შესაძლებლობა, რის მიმართაც კლაუს შვაბმა მზაობა გამოხატა.

შემთხვევითი სიახლე

“ინტერ რაომ” საქართველოს საარბიტრაჟო დავა მოუგო

რუსულმა ენერგეტიკულმა კომპანია “ინტერ რაომ” საქართველოს საარბიტრაჟო დავა მოუგო. აღნიშნულის შესახებ ინფორმაციას რუსული მედია ავრცელებს. სტოკჰოლმის …