ლუდმა „ნატახტარმა“ ბრიუსელის გემოს ინსტიტუტის საერთაშორისო ჯილდო მოიპოვა

თბილისი (BPI) – 2019 წლის 3 ივნისს, ბრიუსელში, ლუდ „ნატახტარს“ უმაღლესი გემოს ჯილდო – Superior Taste Award გადაეცა, International Taste Institute-ის მიერ.

პროდუქტები 200-ზე მეტმა ჟიურის წევრმა შეაფასა სხვადასხვა ქვეყნიდან. აღსანიშნავია, რომ აღნიშნული კონკურსის ჟიური მსოფლიოს ყველაზე პრესტიჟულ სომელიეთა და შეფ-მზარეულებისგან არის დაკომპლექტებული, რომელთა ტალანტიც აღიარებულია ისეთი ინსტიტუტების მიერ, როგორიცაა „Le guide Michelin“ და „Gault & Millau.“

პროდუქტები ფასდება მკაცრი და ნეიტრალური მეთოდოლოგიით. პროდუქტების დაგემოვნება ხდება ბრმად კვებისა და სასმელის დამოუკიდებელი ექსპერტების მიერ, რომლებმაც არ იციან ბრენდის სახელი და მისი წარმომავლობა.

„200-მდე პროფესიონალი შეფ-მზარეული და სომელიე შეიკრიბა ერთად, რომ მიაწოდონ ობიექტური და პროფესიონალური უკუკავშირი მწარმოებლებს მათი პროდუქტების გემოსთან დაკავშირებით,“-აღნიშნავს Laurent van Wassenhove, International Taste Institute-ის დირექტორი. მისი განცხადებით, ცნობილი ინსტიტუტების წარმომადგენელი შეფ-მზარეულები და სომელიეები „ბრმად აფასებენ პროდუქტებს და მაღალი გემოვნებითი ქულების მქონე პროდუქტები იღებენ უმაღლეს გემოს ჯილდოს – Superior Taste Award.“

შემთხვევითი სიახლე

1 დოლარი უკვე 2,9738 ლარი ღირს

თბილისი (BPI) – 19 სექტემბრის ვაჭრობის შედეგად აშშ დოლარი გამყარდა და  2.9738 ლარი შეადგინა. დოლარის ცვლილებამ …