ლიუ ჰუი: ქართული ღვინო ჩინეთში სულ უფრო პოპულარული ხდება

თბილისი (BPI) – აბრეშუმის გზის ფორუმზე ჩინეთის ბაზარზე  ქართული ღვინის მნიშვნელობაზე ისაუბრა ჩინეთის წარმომადგენელმა ევრაზიის რეგიონში ლიუ ჰუიმ.

მისი განცხადებით, ქართული ღვინო ჩინეთში სულ უფრო პოპულარული ხდება და ამ ფონზე მნიშვნელოვანია საქართველოდან ჩინეთში უფრო მეტი ღვინო გავიდეს.  მისი ინფორმაციით, შანხაიში ჩინეთის მეორე ექსპორტ-იმპორტის გამოფენა გაიმართება, ეს  გახლავთ მსოფლიოში უდიდესი პლატფორმა, რომელიც ორიენტირებულია იმპორტზე.

„შარშან ამ გამოფენაში დაახლოებით 170 ქვეყნის და რეგიონის წარმომადგენელი   მონაწილეობდა. იმედი გვაქვს,  რომ საქართველო მონაწილეობას მიიღებს  გამოფენაში და გამოიყენებს ამ შესაძლებლობას, რომ კიდევ უფრო განვავითაროთ სავაჭრო-ეკონომიკური ურთიერთობები.  შარშან გამოფენისას ჩინეთის ეროვნულმა ტელევიზიამ რეპორტაჟი მოამზადა საქართველოსა და  ქართულ ღვინოზე, რასაც  ძალიან დიდი და პოზიტიური გამოხმაურება მოჰყვა.   ეს იმას ნიშნავს, რომ ჩინელები უკვე იცნობენ საქართველოს და  ქართულ ღვინოს.“-განაცხადა  ლიუ ჰუიმ.

შემთხვევითი სიახლე

ავიაციის სააგენტომ ევროკავშირის მოთხოვნების შესაბამისი ავიასამედიცინო ექსპერტის სერტიფიკატების გაცემა დაიწყო

თბილისი (BPI) – „ავიასამედიცინო ცენტრის, ავიასამედიცინო ექსპერტის და ავიასპეციალისტის სამედიცინო სერტიფიცირების წესის“ შესაბამისად, რომელიც სამოქალაქო …