თიბისი მომხმარებელს ურჩევს, კომუნალური გადასახადები დისტანციური არხების გამოყენებით გადაიხადოს

თბილისი (BPI) – ვირუსის გავრცელების პრევენციის მიზნით, თიბისი მომხმარებლებს  ურჩევს, კომუნალური გადასახადები დისტანციური არხების – მობაილ და ინტერნეტბანკის საშუალებით  გადარიცხონ.

თიბისის მობაილ და ინტერნეტბანკში შესაძლებელია ავტომატური გადარიცხვის ფუნქციონალის გააქტიურება და  კომუნალური გადასახადების ყოველი თვის განსაზღვრულ რიცხვში  გადახდა.  ამ გზით მომხმარებელი საკომისიო გადასახადს არ გადაიხდის და დაზოგავს დროს.

ამასთანავე, თიბისის მობაილ და ინტერნეტბანკს უკვე დაემატა კომუნალური გადასახადების დაჯგუფების ფუნქციონალიც, რაც არსებული ან ახალი  კომუნალური გადასახადების შაბლონების დაჯგუფების და მათი სასურველი ტიპის ჯგუფში გაერთიანების შესაძლებლობას იძლევა.  ასე გადახდა ერთ ღილაკზე თითის დაჭერითაა შესაძლებელი, რაც მომხმარებელს ტრანზაქციის შესრულებას კიდევ უფრო გაუმარტივებს.

თიბისისთვის მთავარი პრიორიტეტი გუნდის და მომხმარებლების უსაფრთხოებაზე ზრუნვაა. პანდემიის დაწყების დღიდან, ბანკმა მომხმარებლის ცხოვრების გასამარტივებლად არაერთი მომსახურება დისტანციურ რეჟიმში გადაიტანა. სერვისების გაციფრულების და გაუმჯობესების მიმართულებით თიბისის გუნდი მუდმივად მუშაობს და მომხმარებელს  არაერთ სიახლეს შესთავაზებს.

შემთხვევითი სიახლე

“ელექსირმა“ ესტონეთის ეროვნული ბიოციდული პროდუქტის რეგისტრაციის სერტიფიკატი მოიპოვა

თბილისი (BPI) – „ელექსირმა“ ესტონეთის ეროვნული ბიოციდული პროდუქტის რეგისტრაციის სერტიფიკატი მოიპოვა. სერტიფიკატი ადასტურებს, რომ „ელექსირის” უნივერსალური …