ბულგარულ ტურ-ოპერატორებს საქართველოს ტურისტულ პოტენციალს გააცნობენ

თბილისი (BPI) – რუსეთის მიერ გამოცხადებული “ტურისტული ემბარგოს” ფონზე, დიპლომატიური კორპუსი უცხოურ ბაზრებზე საქართველოს ტურისტული პოტენციალის პრომოუშენს აძლიერებს. ამ მიზნით 5 ივლისს, ბულგარეთში საქართველოს საელჩოს ინიციატივით პრეზენტაცია “გაიცანი საქართველო” გაიმართება, რომელსაც  ბულგარეთში მოქმედი ტურ-ოპერატორები, სასტუმროები და ავიაკომპანიების წარმომადგენლები და ტურიზმის სფეროზე მომუშავე ჟურნალისტები დაესწრებიან.

როგორც ბულგარეთში საქართველოს საგანგებო და სრულუფლებიანი  ელჩი  თამარ ლილუაშვილი აცხადებს, პრეზენტაციაზე წარსადგენად კარგი იქნება ქართველი ტურ-ოპერატორებისგან თუ იქნება მიწოდებული ინფორმაციას მათი ტურისტული პაკეტებისა და ზოგადად შეთავაზებების შესახებ.

“ფაქტია, დიდია ინტერესი საქართველოს მიმართ სხვადასხვა მიმართულების ტურიზმის კუთხით, მათ შორისაა რელიგიური ტურიზმი“, – აცხადებს თამარ ლილუაშვილი, რომელიც ბულგარეთის პატრიარქის შემდეგ ციტატას იშველიებს: „Bulgarian Orthodox Church will put Georgia’s holy places on the list of sites to visit to promote religious tourism“ – Patriarch of Bulgaria Neophyte).
ელჩის განმარტებით, ბულგარეთში ასევე მაღალია ინტერესი  ღვინისა და  გასტრომონიული ტურიზმის მიმართულებით.

შემთხვევითი სიახლე

თბილისის აეროპორტიდან ყველაზე მოთხოვნადი პირდაპირი მიმართულებაა მოსკოვია, ბათუმიდან – თელ ავივი

თბილისი (BPI) – იანვარ-ივნისის მონაცემებით, თბილისის საერთაშორისო აეროპორტიდან ყველაზე მოთხოვნად პირდაპირ მიმართულებად მოსკოვი სახელდება. როგორც AviaNews-ს თბილისისა და ბათუმის საერთაშორისო …