ბორჯომი ლიეტუვას ბაზარზე ლიდერი ბრენდის პოზიციებს იკავებს

თბილისი (BPI) – საერთაშორისო კვლევითი კომპანია Nielsen-ის 2019 წლის, იანვარი-ივლისის მონაცემების მიხედვით,  ქართული მინერალური წყალი „ბორჯომი“, ბალტიისპირეთში ლიდერის პოზიციას კვლავ ინარჩუნებს და ლატვიისა და ესტონეთის შემდეგ, ახლა უკვე  ლიეტუვაში მინერალური წყლების ბაზრის ლიდერი ბრენდი ხდება.  ქართული მინერალური წყალი, კონკურენციას უწევს ადგილობრივი წარმოების მინერალური წყლების ისეთ ბრენდებს როგორიცაა: Neptunas, Akvile, Vytautas.

„მოხარულები ვართ ასეთი წარმატებით და ძალიან ვამაყობთ, რომ IDS BORJOMI EUROPE-ის გუნდის 10 წლიანმა თანმიმდევრულმა და თავდაუზოგავმა შრომამ, ასეთი შედეგი მოგვიტანა. „ბორჯომი“ ბაზრის ლიდერი გახდა, აღსანიშნავია, რომ ბალტიისპირეთის სამივე ქვეყანაში „ბორჯომი“ მნიშვნელოვან პოზიციებზეა და საყვარელი ბრენდის სტატუსს ინარჩუნებს“ –  აცხადებს კომპანია IDS BORJOMI EUROPE-ის გენერალური დირექტორი, აუშრა ნასევიჩენა.

ქართული მინერალური წყალი, ბალტიისპირეთის ქვეყნებში მრავალი წელია გადის ექსპორტზე, თუმცა ბრენდის ოფიციალური წარმომადგენლობა, კომპანია IDS BORJOMI EUROPE 2008 წელს დაფუძნდა და დაიწყო საქმიანობა ლიეტუვაში, ლატვიასა და ესტონეთში. დღეის მდგომარეობით ლიეტუვაში „ბორჯომს“ მინერალურ წყლების ბაზრის 17.5%-ანი წილი უკავია, ლატვიაში 16%, ხოლო ესტონეთში 17,7%.

აღსანიშნავია, რომ  ბაზრის ლიდერობასთან ერთად, „ბორჯომი“ ლიეტუვასა და ლატვიაში საყვარელი ბრენდიცაა, ბალტიისპირეთის ქვეყნებში ჩატარებული მრავალი კვლევის თანახმად, „ბორჯომი“ იმპორტირებული ბრენდების სეგმენტში მომხმარებლის საყვარელი წყლის სტატუსს უცვლელად, უკვე წლებია ინარჩუნებს.

შემთხვევითი სიახლე

სეს-მ ხორცის გადამამუშავებელ ბიზნესოპერატორს საწარმოო პროცესი შეუჩერა

სურსათის ეროვნული სააგენტოს თბილისის საქალაქო სამსახურის ინსპექტირების ჯგუფებმა, მიღებული შეტყობინების საფუძველზე, შეამოწმეს ქალაქ თბილისში, დ. ჟღენტის 2 ნომერში მდებარე ხორცის გადამამუშავებელი საწარმო, რომელიც საქმიანობას ახორციელებდა სურსათის ეროვნული სააგენტოს გვერდის ავლით, კანონმდებლობით დადგენილი აღიარების მინიჭების გარეშე. საწარმოში გამოვლინდა კრიტიკული  შეუსაბამობები, მათ შორის, სანიტარიულჰიგიენური ნორმების, სურსათის წარმოების ტექნოლოგიური პროცესის, ეტიკეტირებისა და მიკვლევადობის წესის დარღვევები. გარდა ამისა, ბიზნესოპერატორი საქმიანობდა ეკონომიკურ საქმიანობათა რეესტრში რეგისტრაციის გარეშე (65-ე მუხლის 1-ლი ნაწილი). …