ბიზნესომბუდსმენის აპარატი ტრანზიტული საქონლის დაბეგვრის წესის ცვლილებას ითხოვს

თბილისი (BPI) – საფინანსო-საბიუჯეტო კომიტეტის სხდომაზე წარდგენილ “საქართველოს საგადასახადო კოდექსში ცვლილების შეტანის შესახებ“ კანონპროექტზე შენიშვნები აქვს.

“გვაქვს რეკომენდაცია, რომ ტრანზიტული საქონელი საქართველოს ტერიტორიაზე ყოფნის არცერთ ეტაპზე არ მოხვდეს დღგ-ს დაბეგვრის არეალში.“ – განაცხადა ბიზნესომბუდსმენის მოადგილემ გურამ გიორგაძემ.

პარლამენტის საფინანსო-საბიუჯეტო კომიტეტის სხდომაზე განიხილეს საქართველოს მთავრობის მიერ საკანონმდებლო ინიციატივის წესით წარმოდგენილი  „საქართველოს საბაჟო კოდექსის“ კანონპროექტი და თანხმლები 29 კანონპროექტი, მათ შორის კანონპროექტი „საქართველოს საგადასახადო კოდექსში ცვლილების შეტანის შესახებ“.

ბიზნესომბუდსმენის მოადგილე განმარტავს, რომ ბიზნესომბუდსმენის აპარატი საქართველოში მოქმედ ბიზნესასოციაციებთან და სხვადასხვა საკონსულტაციო კომპანიებთან ერთად აქტიურად მუშაობს საგადასახადო ადმინისტრირების და დახვეწის მიმართულებით და აპარატს არაერთი რეკომენდაცია და შუამდგომლობა გვაქვს გაგზავნილი, როგორც აღმასრულებელ ისე საკანონმდებლო ორგანოში.

ბიზნესომბუდსმენის აპარატს ტრანზიტული საქონლის დაბეგვრის წესის ცვლილების მოთხოვნით ოფიციალურად აქვს მიმართული საქართველოს პარლამენტის საფინანსო-საბიუჯეტო კომიტეტისთვის.

„მიგვაჩნია, რომ ტრანზიტის განმარტების შინაარსიდან გამომდინარე, ვინაიდან უცხოური საქონელი საქართველოს საბაჟო ტერიტორიის გავლით გადაადგილდება საბაჟო კონტროლის ქვეშ, უნდა ჩაითვალოს, რომ საქონელი საქართველოს ტერიტორიაზე ყოფნის ნებისმიერ ეტაპზე (გადმოტვირთვა, ჩატვირთვა და ა.შ.) განკუთვნილია ტრანზიტისთვის, მიუხედავად იმისა, თუ როდის გაიცემა აღრიცხვის მოწმობა.“  – განაცხადა გურამ გიორგაძემ.

შემთხვევითი სიახლე

პროკურატურა ხაზარაძე/ჯაფარიძეს პასუხობს

თბილისი (BPI) – პროკურატურა თიბისი ბანკის დამფუძნებლების მამუკა ხაზარაძისა და ბადრი ჯაფარიძის განცხადებას პასუხობს. “საქართველოს …