ბათუმის ბულვარი შშმ პირებს ადაპტირებულ გარემოს ჰპირდება

თბილისი (BPI) – წელს, ტურისტული სეზონისთვის ბათუმის ბულვარის სანაპირო ზოლი შშმ პირთათვის ადაპტირებული იქნება.

პროექტის ფარგლებში, პლაჟზე გადასასვლელი ხის ბილიკები, საშხაპეები და გამოსაცვლელი, ასევე, ადაპტირებული საპირფარეშოები მოეწყობა.

შშმ პირები ბათუმში ზღვის ტივტივა ეტლებით სარგებლობას შეძლებენ. ბათუმის ბულვარმა ეტლით მოსარგებლე პირებისთვის ზღვაში შესასვლელი ტივტივა ეტლების შესყიდვაზე ტენდერი უკვე გამოაცხადა. შესყიდვის სავარაუდო თანხა 41 525 ლარია. ტივტივა ეტლით სარგებლობა მომხმარებლებისთვის უფასო იქნება და შშმ პირებს ზღვაში დამოუკიდებლად შესვლის საშუალებას მისცემს.

პროექტი საქართველოში პირველად ხორციელდება და ინკლუზიური ტურიზმის განვითარებასა და ხელშეწყობას ემსახურება.

შემთხვევითი სიახლე

HUAWEI-მ საკუთარი ოპერაციული სისტემა HarmonyOS წარადგინა

თბილისი (BPI) – 9 აგვისტოს, დეველოპერების კონფერენციაზე, კომპანია HUAWEI-მ  ახალი, მიკროკერნელზე დაფუძნებული, ოპერაციული სისტემა HarmonyOS …