ბაზისბანკმა პანდემიამდე არსებული კაპიტალის მოთხოვნები სრულად აღადგინა

2020 წლის დასაწყისში, COVID-19-ის გავრცელების შედეგად გაზრდილი საკრედიტო რისკების სამართავად და პანდემიით გამოწვეული უარყოფითი ფინანსური ეფექტების შემცირების მიზნით, საქართველოს ეროვნულმა ბანკმა საზედამხედველო გეგმის ფარგლებში,  კომერციულ ბანკებს  კაპიტალის ბუფერების გამოყენების უფლება მისცა. მოთხოვნის შემსუბუქება კომერციულ ბანკებზე ფინანსური სტრესით გამოწვეული ზარალების განეიტრალებასა და საზედამხედველო ტვირთის შემცირებას ემსახურებოდა, რამაც საშუალება მისცა ბანკებს, შეუფერხებლად გაეგრძელებინათ ეკონომიკის დაკრედიტება.

მიუხედავად იმისა, რომ ამ შეღავათების ეტაპობრივი აღდგენა 2023 წლის ბოლოსთვის იგეგმება, ბაზისბანკმა ოქტომბერში მიმართა საქართველოს ეროვნულ ბანკს და ვადაზე ადრე  თქვა უარი მინიჭებულ შეღავათებზე.

„ჩვენთვის საამაყოა, რომ ბაზისბანკის საკრედიტო პორტფელის ხარისხი და კაპიტალიზაციის მაღალი მაჩვენებელი შესაძლებლობას გვაძლევს, უკვე 2021 წლის 31 ოქტომბრიდან ვთქვათ უარი, კომერციული ბანკებისათვის დაწესებული შეღავათებით სარგებლობაზე. პანდემია არის მნიშვნელოვანი გამოწვევა, რომელსაც ბბ ჰოლდინგი წარმატებით უმკლავდება. მიუხედავად არსებული სირთულეებისა, ჩვენ ვცდილობთ, რომ ჩვენი სერვისები და  პროდუქტები მაქსიმალურად მივუსადაგოთ სწორედ კლიენტთა მოთხოვნებსა და საჭიროებებს;  ჩვენმა გუნდმა კიდევ ერთხელ დაამტკიცა, რომ 28 წელია განუხრელად მიყვება სტაბილური განვითარების გზას“ – განაცხადა ბაზისბანკის გენერალურმა დირექტორმა დავით ცაავამ.

ეროვნული ბანკის მონაცემების მიხედვით,  9 თვის შედეგებით, ბაზისბანკი აქტივების მოცულობით მე 6 ადგილს იკავებს, მოგებით – მე 5, ხოლო სააქციო კაპიტალით – მე 4 ადგილზეა. რაც შეეხება კაპიტალის ადექვატურობის მაჩვენებელს, ბაზარზე ერთ-ერთი ყველაზე მაღალია და 19,09 % შეადგენს.

 

შემთხვევითი სიახლე

საბანკო სექტორის სააქციო კაპიტალი 7.37 მლრდ ლარს შეადგენს, რაც კომერციული ბანკების მთლიანი აქტივების 12.36 პროცენტია

2021 წლის პირველი ნოემბრის მდგომარეობით, საქართველოს საბანკო სექტორი 14 კომერციული ბანკითაა წარმოდგენილი; მათ შორის 13 …