თბილისში 7 თვეში 143 ახალი ავტობუსი შემოვა

თბილისი (BPI) – ეკოლოგიურად სუფთა და ადაპტირებული ავტობუსები 2016 წლის შემოდგომიდან ქალაქში გრძელ დისტანციებსა და ფართოგამტარიან ქუჩებში ივლიან.

თბილისის სატრანსპორტო კომპანიის ცნობით, 143 ახალი ავტობუსი თბილისში 7 თვის განმავლობაში შემოვა.

ახალი ავტობუსების მძღოლებს MAN Truck & Bus AG-ის სპეციალისტები გადაამზადებენ, MAN-ის ავტობუსები ვიდეო მონიტორინგის სისტემით აღიჭურვება.

ავტოპარკის განახლება თბილისის მერიის 4 წლიანი გეგმის ფარგლებში ხორციელდება.