თბილისის აეროპორტში სასტუმროს „ფუჯინ სილკ პროფერთი“ ააშენებს

თბილისი (BPI) – კომპანია „ფუჯინ სილქ პროფერთი“ თბილისის საერთაშორისო აეროპორტში სასტუმროს ააშენებს.

ინვესტორმა აეროპორტში მდებარე 12 653 კვ.მ არსებული უძრავი ქონება ელექტრონულ აუქციონზე 1,85 მლნ ლარად იყიდა.

ობიექტის საწყისი ღირებულება 1,841 მლნ ლარს შეადგენდა.

აუქციონის პირობების მიხედვით, „ფუჯინ სილქ პროფერთი“ ვალდებულია შესაბამისი ხელშეკრულების გაფორმებიდან არაუმეტეს 48 თვის ვადაში საპრივატიზებო უძრავ ქონებაზე, ან მის ნაწილზე მინიმუმ 120 ნომერზე გათვლილი სასტუმრო შექმნას (აშენება, ექსპლუატაციაში მიღება და ფუნქციონირების დაწყება).

შეგახსენებთ, რომ აღნიშნული ობიექტი ტურისტული ინფრასტრუქტურის განვითარების მიზნით, პროექტ „50 ქონება შენი სასტუმროსთვის“ ფარგლებში გაიყიდა.

შემთხვევითი სიახლე

“კრისტალი” ბიზნესმენებს ამზადებს

თბილისი (BPI)-*როგორ ვაქციოთ ბიზნეს იდეა ბიზნეს მოდელად; *როგორ დავწეროთ პროექტი; *როგორ შევქმნათ ბიზნესმოდელის ტილო; მ/ო”კრისტალის”  მეწარმეთა სკოლა  16-28 …