სტამბულში გამართულ სათამაშოების გამოფენაში 7 ქართული კომპანია იღებს მონაწილეობას

საქართველოს ეკონომიკისა და მდგრადი განვითარების სამინსიტროს სააგენტოს „აწარმოე საქართველოში“ ექსპორტის მიმართულების ორგანიზებით, 2018 წლის 4-დან 7 ოქტომბრის ჩათვლით, თურქეთში, ქალაქ სტამბულში გამართულ  სათამაშოების საერთაშორისო გამოფენაზე – „Kids Turkey 2018” 7 ქართული კომპანია, კერძოდ: შპს „თამაშობანა“, შპს „კოდალა“, შპს „ჩიკატაი“, შპს „საგო“, შპს “Antsi”, შპს „შენი მწვანე სათამაშო“ და შპს „მწვერვალი“ იღებს მონაწილეობას.

ღონისძიებაზე ქართული კომპანიების მხრიდან წარმოდგენილი იქნება, როგორც ხის ხელნაკეთი ეკოლოგიურად სუფთა სათამაშოები, ასევე, სემეცნებითი თამაშები ბავშვებისთვის და ოტახის დეკორაციები. მნიშვნელოვანია, რომ სათამაშოების წარმოების კუთხით აღნიშნული ღონისძიება მსოფლიოში ერთ-ერთი ყველაზე მასშტაბური და პრესტიჟულია, რომელშიც 132-ზე მეტი სათამაშოების მწარმოებელი კომპანია მონაწილეობს მსოფლიოს 44 ქვეყნიდან. ვიზიტორების რაოდენობა კი ყოველწლიურად დაახლოებით 10 000-ს შეადგენს.

სათამაშოების გამოფენაზე – „Kids Turkey 2018”  მონაწილეობის მიზანია ქართულ კომპანიების ხელშეწყობა, რათა დაამყარონ ბიზნეს კავშირები უცხოელ პოტენციურ პარტნიორებთან თუ დამკვეთებთან, ასევე უკეთ გაეცნონ გლობალურ ტენდენციებს და თანამდეროვე ტექნოლოგიების როლს აღნიშნულ სექტორში.

შეგახსენებთ, რომ „აწარმოე საქართველოში ‒ ექსპორტის“ მიმართულების მიზანია საქართველოს საექსპორტო პოტენციალის პოპულარიზაცია, ქართული პროდუქტების კონკურენტუნარიანობის გაზრდა საერთაშორისო ბაზრებზე, ქართული პროდუქტების ექსპორტის მოცულობის ზრდა და საქართველოს საექსპორტო ბაზრების დივერსიფიცირება.

შემთხვევითი სიახლე

“ვითიბის” კონკურენტული სასესხო შეთავაზება აქვს

თბილისი (BPI) –  სებ-ის  მორიგ რეგულაციებამდე, “ვითიბი ბანკი” სამომხმარებლო სესხებზე საახალწლო აქციას იწყებს. უზრუნველყოფილი სესხი …