სავაჭრო-სამრეწველო პალატამ ბიზნესომბუდსმენთან ერთად ახალციხეში ბიზნეს-სექტორთან შეხვედრა გამართა

თბილისი (BPI) – საქართველოს სავაჭრო-სამრეწველო პალატა  ბიზნესომბუდსმენთან ერთად  რეგიონულ  ბიზნეს-სექტორთან შეხვედრებს განაგრძობს. ამჯერად საინფორმაციო ხასიათის შეხვედრა ქალაქ ახალციხეში გაიმართა.

ბიზნესომბუდსმენმა  ადგილობრივ  ბიზნეს-სექტორს  საკუთარი საქმიანობის შესახებ პრეზენტაცია წარუდგინა, შემდეგ კი შეხვედრა კითხვა პასუხის რეჟიმში გაგრძელდა. რეგიონული ბიზნესის წარმომადგენლებს საშუალება ჰქონდათ პრობლემური საკითხების შესახებ კითხვები დაესვათ. შეხვედრას  30-მდე ადგილობრივი მეწარმე დაესწრო.

რეგიონული შეხვედრები იმ მემორანდუმის ფარგლებში იმართება, რომელიც აპრილში საქართველოს სავაჭრო-სამრეწველო პალატასა და ბიზნესომბუდსმენს შორის გაფორმდა. ანალოგიური ხასიათის შეხვედრები უკვე გაიმართა ბათუმში, ოზურგეთში, ზუგდიდში, ქუთაისსა და გორში. გაფორმებულ  დოკუმენტში გაწერილი პირობების შესაბამისად, შეხვედრების ორგანიზებაში  რეგიონული სავაჭრო-სამრეწველო პალატები ჩაერთნენ. მემორანდუმის მიხედვით საქართველო რეგიონებში ბიზნეს წრეებთან კომუნიკაციაში ბიზნესომბუდზმენს სწორედ საქართველოს სავაჭრო- სამრეწველო პალატა შეუწყობს ხელს.

საქართველოს სავაჭრო-სამრეწველო პალატა ბიზნესომბუდსმენის აპარატთან  სხვადასხვა მიმართულებით აქტიურად თანამშრომლობს. ირაკლი ლექვინაძემ ამ თანამდებობაზე წარდგენის  შემდეგ ბიზნესთან პირველი შეხვედრა სწორედ  პალატის ხელშეწყობით გამართა, რომელსაც პალატის წევრი 100-მდე კომპანია ესწრებოდა.

შემთხვევითი სიახლე

ნინო ჩიქოვანი DCFTA-ის საკონსულტაციო ჯგუფის თავმჯდომარედ აირჩიეს

თბილისი (BPI) – საქართველოს სავაჭრო-სამრეწველო პალატის პრეზიდენტი DCFTA-ის საკონსულტაციო ჯგუფის თავმჯდომარედ აირჩიეს. ნინო ჩიქოვანის თავმჯდომარედ …