“საქართველოს რკინიგზამ” ჩინეთის ,,ლიენიუნგანგის“ პორტთან მემორანდუმი გააფორმა

თბილისი (BPI) – საქართველოს რკინიგზასა და ჩინეთის ,,ლიენიუნგანგის“ პორტს შორის მემორანდუმი გაფორმდა. დოკუმენტს ხელი საქართველოს რკინიგზის გენერალურმა დირექტორმა, დავით ფერაძემ და ,,ლიენიუნგანგის“ პორტის პრეზიდენტმა, ჭუ სიანგიანგმა მოაწერეს.

მემორანდუმი მხარეებს შორის ტვირთების შესახებ ინფორმაციის გაცვლას, ტვირთების ჩინეთიდან საქართველოში, ასევე, საქართველოდან ევროპაში გადაზიდვას, ქვეყნებს შორის კომერციული ინფორმაციის გაცვლასა და ე.წ. ტრანსკასპიური დერეფნის გამოყენებაში თანამშრომლობას ითვალისწინებს.

სამმხრივ შეხვედრაში საქართველს რკინიგზა და ჩინური კომპანიები – ,,კოსკო“ და ,,ლიენიუნგანგის“ პორტის ხელმძღვანელი პირები მონაწილეობდნენ. ქართულმა და ჩინურმა მხარემ ერთმანეთს საკუთარი კომპანიების შესაძლებლობები გააცნეს და მომავალ თანამშრომლობაზე შეთანხმდნენ.

ჩინურმა მხარემ დაადასტურა, რომ ,,შუა დერეფანი“ ერთ-ერთი კონკურენტუნარიანი დერეფანია, რომელიც მნიშვნელოვანია აზიასა და ევროპას შორის ვაჭრობისთვის.

Image may contain: 5 people, people sitting, table and indoor